ᱦᱟᱹᱠᱳ ᱪᱟᱥ
ᱫᱟᱜ ᱫᱤᱱ ᱨᱮ ᱦᱟᱹᱠᱳ ᱢᱮᱱᱟᱜ ᱠᱚ ᱯᱩᱠᱷᱨᱤ ᱨᱮ ᱫᱷᱮᱭᱟᱱ ᱮᱢ ᱟᱞᱹᱠᱛᱤ ᱾ ᱡᱩᱫᱤ ᱟᱵᱚ ᱫᱮᱭᱟᱱ ᱵᱟᱝ ᱵᱚᱱ ᱮᱢᱟ ᱟᱹᱰᱤ ᱜᱟᱱ ᱦᱟᱹᱱ ᱟᱨ ᱦᱟᱹᱠᱳ ᱠᱚ ᱟᱡᱟᱨ ᱧᱟᱢ ᱠᱚᱣᱟ ᱾ ᱚᱱᱟᱛᱮ ᱫᱟᱜ ᱫᱤᱱ ᱯᱩᱠᱷᱨᱤ ᱟᱲᱮ ᱨᱟᱹᱯᱩᱫ ᱞᱮᱱ ᱠᱟᱱ ᱚᱱᱟ ᱞᱟᱜᱮ ᱵᱚᱱ ᱵᱮᱱᱟᱣ ᱨᱩᱣᱟᱹᱲ ᱢᱟ ᱾ ᱥᱟᱶᱛᱮ ᱦᱟᱹᱠᱳ ᱠᱚ ᱡᱟᱨᱣᱮᱫ ᱟᱡᱟᱨ ᱠᱷᱚᱱ ᱨᱩᱠᱷᱤᱭᱟᱹ ᱫᱚᱦᱚ ᱞᱟᱹᱠᱛᱤ ᱾
ᱫᱟᱜ ᱛᱮ ᱦᱟᱹᱠᱳ ᱯᱩᱠᱷᱨᱤ ᱟᱲᱮ ᱨᱟᱹᱯᱩᱫ ᱞᱮᱱᱨᱮ ᱛᱮᱭᱟᱨ
- ᱢᱤᱫ ᱦᱮᱠᱴᱚᱨ ᱟᱱᱟᱜ ᱯᱩᱠᱷᱨᱤ ᱨᱮ ᱑᱒᱕᱐᱐ ᱦᱚᱯᱚᱱ ᱞᱟᱹᱜᱤᱫ ᱫᱤᱱᱟᱹᱢ ᱓ ᱠᱤᱞᱚᱜᱨᱟᱢ, ᱗᱕᱐ ᱜᱨᱟᱢ ᱠᱟᱲᱮ ᱞᱩᱵᱩᱜ ᱟᱨ ᱓ ᱠᱤᱞᱚᱜᱨᱟᱢ, ᱗᱕᱐ ᱜᱨᱟᱢ ᱵᱟᱫᱟᱢ ᱞᱩᱵᱩᱜ ᱢᱮᱥᱟ ᱠᱟᱛᱮ ᱞᱮᱠᱷᱟᱜᱩᱴ ᱗ ᱠᱤᱞᱚᱜᱨᱟᱢ, ᱕᱐᱐ ᱜᱨᱟᱢ ᱫᱟᱱᱟ ᱡᱚᱢ ᱮᱢᱟᱠᱚᱢᱟ ᱾
- ᱯᱩᱠᱷᱨᱤ ᱞᱟᱛᱟ ᱥᱮᱫᱨᱮ ᱢᱮᱱᱟᱜ ᱠᱚ ᱢᱤᱨᱤᱠᱟᱹᱲᱤ ᱟᱨ ᱵᱤᱞᱟᱹᱛᱤ ᱨᱩᱦᱤ ᱪᱮᱛᱟᱱ ᱥᱮᱫ ᱠᱚ ᱨᱟᱠᱟᱵᱚᱜ ᱨᱮ ᱟᱨ ᱯᱩᱠᱷᱨᱤ ᱨᱮᱱᱟᱜ ᱞᱟᱛᱟᱨ ᱦᱟᱥᱟ ᱠᱷᱚᱱ ᱥᱚ ᱚᱰᱚᱠᱚᱜ ᱠᱷᱟᱱ ᱢᱤᱫ ᱦᱮᱠᱴᱚᱨ ᱢᱤᱴᱚᱨ ᱡᱟᱹᱱᱤ ᱫᱟᱜ ᱨᱮ ᱕᱐ ᱠᱤᱞᱚᱜᱨᱟᱢ ᱡᱤᱭᱚᱞᱟᱭᱤᱴ ᱵᱮᱵᱷᱟᱨ ᱢᱟ ᱾
- ᱨᱟᱵᱟᱝ ᱫᱤᱱ ᱮᱦᱚᱵ ᱠᱷᱚᱱ ᱯᱩᱠᱷᱨᱤ ᱨᱮ ᱕᱐ ᱠᱤᱞᱚᱜᱨᱟᱢ ᱪᱩᱱ ᱥᱟᱞᱟᱜ ᱔ ᱠᱤᱞᱚᱜᱨᱟᱢ ᱥᱟᱥᱟᱝ ᱢᱮᱟᱥᱟ ᱠᱟᱛᱮ ᱵᱟᱨᱭᱟ ᱠᱤᱥᱛᱤ ᱨᱮ ᱢᱤᱫ ᱪᱟᱸᱫᱚ ᱛᱚᱯᱟᱜ ᱨᱮ ᱮᱢᱟᱠᱚ ᱠᱷᱟᱱ ᱦᱟᱹᱠᱳ ᱟᱡᱟᱨ ᱫᱟᱨᱟᱢ ᱜᱟᱱᱚᱜᱼᱟ ᱾
ᱡᱟᱨᱣᱮᱫ ᱫᱟᱨᱟᱭ ᱛᱮ ᱟᱡᱟᱨ
- ᱯᱷᱟᱹᱠᱬᱟᱹᱜ ᱟᱨ ᱪᱟᱭᱞᱚᱢ ᱥᱮᱭᱟ ᱟᱡᱟᱨ ᱦᱩᱭᱞᱮᱱ ᱠᱷᱟᱱ ᱑ᱹ᱕ ᱢᱤᱞᱤᱜᱨᱟᱢ ᱠᱚᱯᱚᱨ ᱥᱚᱞᱯᱷᱮᱴ ᱫᱟᱜ ᱨᱮ ᱢᱮᱥᱟ ᱠᱟᱛᱮ ᱦᱟᱹᱠᱳ ᱮᱢᱟᱠᱚᱢ ᱾
- ᱢᱮᱫ ᱥᱮᱭᱟ ᱟᱡᱟᱨ ᱦᱩᱭᱞᱮᱱᱨᱮ ᱞᱤᱴᱚᱨ ᱡᱟᱹᱱᱤ ᱘ ᱠᱚᱱ ᱑᱐ ᱢᱤᱞᱤᱜᱨᱟᱢ ᱠᱞᱚᱨᱚᱢᱟᱭᱥᱮᱴᱤᱱ ᱫᱟᱜ ᱨᱮ ᱞᱮᱣᱦᱟ ᱠᱟᱛᱮ ᱦᱟᱹᱠᱳ ᱒ ᱴᱟᱬᱟᱝ ᱜᱟᱱ ᱫᱚᱦᱚ ᱠᱚᱢ ᱾ ᱱᱚᱝᱠᱟ ᱵᱟᱨ ᱯᱮ ᱫᱤᱱ ᱜᱟᱱ ᱠᱚᱨᱟᱣ ᱢᱮ ᱾
- ᱥᱮᱭᱟ ᱜᱷᱟᱣ ᱟᱡᱟᱨ ᱦᱩᱭᱞᱮᱱᱨᱮ ᱒ ᱞᱤᱴᱚᱨ ᱫᱟᱜ ᱨᱮ ᱑ ᱜᱨᱟᱢ ᱠᱚᱯᱚᱨ ᱥᱚᱞᱯᱷᱮᱴ ᱢᱮᱥᱟ ᱠᱟᱛᱮ ᱫᱤᱱᱟᱹᱢ ᱜᱮ ᱦᱟᱹᱠᱳ ᱑ ᱴᱬᱤᱡ ᱞᱟᱹᱜᱤᱫ ᱓ ᱠᱷᱚᱱ ᱔ ᱫᱤᱱ ᱫᱚᱦᱚ ᱠᱚᱢ ᱾ ᱚᱱᱟ ᱥᱟᱶᱛᱮ ᱞᱤᱴᱚᱨ ᱡᱟᱹᱱᱤ ᱓᱐ ᱜᱨᱟᱢ ᱵᱩᱞᱩᱝ ᱢᱮᱥᱟ ᱠᱟᱛᱮ ᱚᱸᱰᱮ ᱕ ᱠᱷᱚᱱ ᱑᱐ ᱴᱤᱬᱤᱡ ᱫᱚᱦᱚ ᱞᱮᱠᱷᱟᱱ ᱦᱚᱸ ᱵᱷᱟᱹᱞᱟᱹᱭᱚᱜᱼᱟ ᱾
ᱯᱷᱮᱰᱟᱛ (Source): ମାଛ ଚାଷ (or.vikaspedia)
ᱢᱩᱪᱟᱫ ᱵᱚᱫᱚᱞ ᱟᱨᱩ : 6/18/2020
© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
