ᱜᱩᱦᱩᱢ
ᱜᱩᱦᱩᱢ
ᱜᱳᱴᱟ ᱫᱷᱟᱨᱛᱤ ᱯᱩᱨᱤᱨᱮ ᱥᱤᱨᱡᱚᱱᱚᱜ ᱜᱷᱟᱥ ᱞᱮᱠᱟᱱᱟᱜ ᱢᱤᱫᱴᱟᱝ ᱫᱟᱨᱮ (ᱜᱟ.ᱪᱷᱤ) ᱡᱟᱦᱟᱸ ᱫᱚ ᱯᱳᱭᱞᱳ ᱡᱟᱱᱟᱢ ᱞᱮᱢᱟ ᱢᱚᱫᱫᱷᱚ ᱯᱨᱟᱪᱪᱚ ᱨᱮᱱᱟᱜ ᱞᱮᱵᱷᱟᱱᱴ ᱯᱤᱲ ᱨᱮ, ᱢᱮᱱᱠᱷᱟᱱ ᱱᱮᱛᱟᱨ ᱫᱚ ᱜᱳᱴᱟ ᱫᱷᱟᱹᱨᱛᱤ ᱨᱮᱜᱮ ᱜᱩᱦᱩᱢ ᱠᱚ ᱟᱨᱡᱟᱣ ᱮᱫᱟ᱾ ᱒᱐᱐᱗ ᱥᱮᱨᱢᱟ ᱨᱮ ᱜᱩᱦᱩᱢ ᱫᱷᱟᱨᱛᱤ ᱨᱮ ᱟᱨᱡᱟᱣ ᱞᱮᱱᱟ ᱖᱐᱗ ᱢᱤᱞᱤᱭᱚᱱ ᱴᱚᱱ, ᱡᱟᱦᱟ ᱫᱚ ᱛᱟᱦᱮ ᱠᱟᱱᱟ ᱫᱷᱟᱨᱛᱤᱨᱮ ᱛᱮᱥᱟᱨ ᱡᱟ.ᱥᱛᱤᱭᱟᱱ ᱟᱨᱡᱟᱣ ᱪᱟᱥ ᱚᱨᱡᱚ ᱡᱚ᱾ ᱯᱳᱭᱞᱳ ᱟᱨ ᱫᱚᱥᱟᱨ ᱴᱷᱟᱸᱣ ᱮ ᱦᱟᱢᱮᱴ ᱞᱮᱫᱟ ᱡᱮ ᱞᱮᱠᱟ- ᱦᱳᱲᱳ ᱟᱨ ᱡᱚᱸᱰᱨᱟ᱾ [᱑] ᱜᱳᱴᱟ ᱫᱷᱟᱨᱛᱤ ᱨᱮ ᱜᱩᱦᱩᱢ ᱱᱤᱭᱳᱜ ᱯᱨᱳᱴᱤᱱ ᱨᱮᱭᱟᱜ ᱵᱟᱝ ᱥᱤᱲᱤᱪ ᱞᱮᱠᱟᱛᱮ ᱟ.ᱰᱤᱜᱟᱱ ᱜᱮ ᱞᱟᱠᱛᱤᱭᱟᱱ ᱡᱟᱦᱟ ᱫᱚ ᱢᱟᱱᱢᱤ ᱠᱩᱭᱟᱜ ᱡᱚᱢ ᱧᱩ ᱨᱮ ᱛᱟᱦᱮᱱ ᱫᱚ ᱮᱠᱟᱞᱜᱮ ᱞᱟ.ᱠᱛᱤᱭᱟᱱ ᱠᱟᱱᱟ, ᱜᱩᱦᱩᱢ ᱨᱮ ᱟ.ᱰᱤᱜᱟᱱ ᱜᱮ ᱯᱨᱳᱴᱤᱱ ᱢᱮᱱᱟᱜ ᱟ, ᱱᱚᱳᱭᱟ ᱪᱷᱟᱰᱟ ᱦᱳᱲᱳ ᱟᱨ ᱡᱚᱸᱰᱨᱟ ᱨᱮᱦᱚ ᱱᱤᱭᱟ. ᱯᱨᱳᱴᱤᱱ ᱧᱟᱢᱚᱜ ᱜᱮᱭᱟ᱾ ᱡᱚᱢ ᱞᱟᱜᱤᱫ ᱛᱮ ᱵᱮᱳᱦᱟᱨᱚᱜ ᱥᱟᱱᱟᱢᱟᱜ ᱜᱩᱴ ᱟᱨᱡᱟᱣ ᱡᱚ ᱞᱮᱠᱟᱛᱮ ᱜᱩᱦᱩᱢ ᱫᱚ ᱢᱮᱱᱟᱜ ᱟ ᱫᱚᱥᱟᱨ ᱴᱷᱟᱸᱣ ᱨᱮ, ᱡᱮ ᱦᱤᱞᱳᱜ ᱠᱷᱚᱱᱟᱜ ᱡᱚᱸᱰᱨᱟ ᱫᱚ ᱡᱤᱭᱟ.ᱞᱤ ᱠᱳᱭᱟᱜ ᱡᱚᱢᱟᱜ ᱞᱟ.ᱜᱤᱫ ᱵᱮᱳᱦᱟᱨ ᱮᱛᱚᱦᱚᱵ ᱞᱮᱱᱟ᱾ ᱟᱨ ᱦᱚᱸ ᱦᱳᱲᱳ ᱢᱮᱱᱟᱜ ᱟ ᱯᱳᱭᱞᱳ ᱨᱮ ᱪᱮᱫᱟᱜ ᱥᱮ ᱦᱳᱲᱳ ᱫᱚ ᱢᱟᱱᱢᱤᱭᱟᱜ ᱡᱚᱢᱟᱜ ᱧᱩ ᱟᱜ ᱢᱩᱠᱷᱚᱭᱟ. ᱪᱟᱥ ᱚᱨᱡᱚ ᱡᱚ ᱠᱟᱱᱟ᱾
ᱱᱟᱜᱟᱢ
ᱜᱩᱦᱩᱢ ᱢᱟᱱᱢᱤ ᱥᱟᱶᱛᱟ ᱨᱮᱭᱟᱜ ᱮᱛᱚᱦᱚᱵ ᱨᱮ ᱱᱟᱜᱟᱨ ᱞᱮᱠᱟᱱ ᱥᱟᱸᱳᱛᱟ ᱛᱚᱨᱟᱣ ᱨᱟᱠᱟᱵ ᱨᱮᱭᱟᱜ ᱢᱩᱠᱷᱚᱭᱟ. ᱞᱮᱠᱟ ᱛᱟᱦᱮ ᱠᱟᱱᱟ, ᱪᱮᱫᱟᱜ ᱥᱮ ᱜᱩᱦᱩᱢ ᱜᱮ ᱛᱟᱦᱮ ᱠᱟᱱᱟ ᱯᱳᱭᱞᱳ ᱨᱮᱱᱟᱜ ᱪᱟᱥ ᱚᱨᱡᱚ ᱡᱚ, ᱥᱤᱨᱡᱟ.ᱣ ᱢᱩᱫᱽᱨᱮ ᱢᱤᱫ ᱴᱟᱝ ; ᱡᱟᱦᱟᱸ ᱫᱚ ᱪᱟᱥ ᱚᱨᱡᱚ ᱡᱚ ᱟ.ᱰᱤ ᱢᱟᱨᱟᱝ ᱛᱮ ᱟᱨᱡᱟᱣ ᱜᱟᱱᱚᱜ ᱟ, ᱟᱨ ᱦᱚᱸ ᱵᱟ.ᱲᱛᱤ ᱟᱨᱡᱟᱣ ᱫᱷᱚᱱ ᱞᱮᱠᱟᱛᱮ ᱟᱭᱢᱟ ᱫᱤᱱ ᱵᱟᱺᱫᱤ ᱠᱟᱛᱮ ᱫᱚᱦᱚ ᱜᱟᱱᱚᱜ ᱟ᱾
ᱵᱮᱵᱷᱟᱨ">ᱵᱮᱵᱷᱟᱨ
ᱜᱩᱦᱩᱢ ᱡᱟᱝ ᱟ.ᱰᱤ ᱞᱟᱹᱠᱛᱤᱭᱟᱱ ᱡᱚᱢᱟᱜ ᱨᱮᱭᱟᱜ ᱞᱟᱜᱟᱜ ᱞᱮᱠᱟᱛᱮ ᱵᱮᱳᱦᱟᱨᱚᱜ ᱟ, ᱡᱟᱦᱟ ᱫᱚ ᱜᱩᱸᱰᱟ. ᱠᱟᱛᱮ ᱛᱮᱭᱟᱨ ᱦᱚᱞᱚᱝ ,ᱱᱟᱱᱟ ᱦᱩᱱᱟ.ᱨ ᱨᱩᱴᱤ, ᱵᱤᱥᱠᱩᱴ, ᱠᱩᱠᱤᱡ , ᱠᱮᱠ , ᱯᱤᱴᱷᱟ. , ᱯᱟᱥᱛᱟ , ᱱᱩᱰᱩᱞᱚᱥ ᱟᱨ ᱦᱚᱸ ᱟᱭᱢᱟ ᱡᱚᱢᱟᱜ ᱧᱩ ᱟᱜ ᱛᱮᱭᱟᱨ ᱞᱟ.ᱜᱤᱫ ᱵᱮᱳᱦᱟᱨᱚᱜ ᱟ᱾ ᱱᱚᱳᱭᱟ ᱪᱷᱟᱰᱟ ᱦᱚᱸ ᱵᱤᱭᱟᱨ ᱵᱷᱚᱫᱠᱟ ᱮᱢᱟᱱ ᱮᱢᱟᱱ ᱯᱟᱹᱣᱨᱟ. ᱟᱨ ᱦᱚᱸ ᱡᱚᱭᱵᱚ ᱥᱟᱦᱟᱱ ᱛᱮᱭᱟᱨ ᱞᱟ.ᱜᱤᱫ ᱜᱩᱦᱩᱢ ᱵᱮᱳᱦᱟᱨᱚᱜ ᱟ᱾ ᱜᱩᱦᱩᱢ ᱨᱮᱭᱟᱜ ᱵᱩᱥᱩᱵ ᱚᱲᱟᱜ ᱨᱮᱱ ᱠᱟᱰᱟ ᱰᱟᱝᱨᱟ ᱟᱜ ᱡᱚᱢᱟᱜ ᱞᱮᱠᱟᱛᱮ ᱵᱮᱳᱦᱟᱨ ᱦᱳᱭᱳᱜ ᱜᱮᱭᱟ᱾ ᱟᱨ ᱦᱚᱸ ᱚᱲᱟᱜ ᱫᱟᱞᱚᱵ ᱞᱟ.ᱜᱤᱫ ᱛᱮᱦᱚᱸ ᱵᱮᱳᱦᱟᱨ ᱜᱮᱭᱟ ᱠᱚ᱾
ᱢᱩᱪᱟᱫ ᱵᱚᱫᱚᱞ ᱟᱨᱩ : 6/12/2020
