ᱡᱚᱱᱚᱲᱟ ᱪᱟᱥ

ENGLISH हिंदी मराठी

অসমীয়া বাংলা बोड़ो डोगरी ગુજરાતી ಕನ್ನಡ كأشُر कोंकणी संथाली মনিপুরি नेपाली ଓରିୟା ਪੰਜਾਬੀ संस्कृत தமிழ் తెలుగు ردو

ᱧᱩᱛᱩᱢ ᱚᱞ ᱦᱚᱪᱚ ᱞᱚᱜᱤᱱ

ᱪᱟᱥᱵᱟᱥ

ᱡᱚᱱᱚᱲᱟ ᱪᱟᱥ

ᱡᱚᱱᱚᱲᱟ / ᱡᱚᱸᱰᱨᱟ
ᱪᱟᱥ ᱦᱚᱨᱟ

ᱡᱚᱱᱚᱲᱟ / ᱡᱚᱸᱰᱨᱟ

ᱜᱟᱱᱚᱜ-ᱟ ᱾ ᱱᱚᱶᱟ ᱪᱟᱥ ᱞᱟᱹᱜᱤᱫ ᱩᱥᱩᱞ, ᱜᱩᱰᱨᱟᱹᱣ, ᱱᱤᱜᱽᱰᱟᱹ ᱫᱷᱟᱨᱟ ᱚᱛ/ᱡᱩᱢᱤ ᱨᱮᱱᱟᱜ ᱞᱟᱹᱠᱛᱤᱢᱮᱱᱟᱜ-ᱟ ᱾ ᱱᱚᱝᱠᱟᱛᱮ ᱵᱩᱨᱩ ᱡᱩᱢᱤ ᱨᱮᱦᱚᱸ ᱪᱟᱥ ᱜᱟᱱᱚᱜ-ᱟ ᱾ ᱡᱚᱸᱰᱨᱟ ᱪᱟᱥ ᱞᱟᱹᱜᱤᱫ ᱰᱮᱦᱮᱨ ᱞᱚᱞᱚ ᱟᱨ ᱠᱚᱢ ᱚᱫᱟ ᱛᱟᱦᱮᱸᱱ ᱠᱷᱟᱱ ᱪᱟᱥ ᱫᱚ ᱟᱹᱰᱤ ᱵᱷᱟᱹᱜᱤ ᱦᱯᱭᱩᱜ-ᱟ ᱟᱨ ᱪᱟᱹᱥᱤ ᱦᱚᱸ ᱟᱹᱰᱤ ᱜᱟᱱ ᱟᱨᱡᱟᱣ ᱦᱤᱡᱩᱜ ᱛᱟᱭᱟ ᱾ ᱥᱟᱫᱷᱟᱨᱚᱱ ᱡᱚᱸᱰᱨᱟ ᱨᱚ ᱫᱚ ᱥᱤᱢ ᱡᱤᱢ, ᱰᱟᱺᱜᱽᱨᱤ ᱡᱚᱢ ᱟᱨ ᱢᱟᱹᱱᱢᱤ ᱠᱚᱣᱟᱜ ᱡᱚᱢ ᱞᱟᱹᱜᱤᱫ ᱟᱹᱰᱤ ᱵᱷᱟᱹᱜᱩᱭᱟ ᱾ ᱜᱤᱫᱽᱨᱟᱹ ᱡᱚᱸᱰᱨᱟ (Baby Corn) ᱨᱮᱱᱟᱜ ᱧᱮᱞᱚᱜ ᱫᱚ ᱥᱟᱹᱭᱠᱟᱹᱛ ᱠᱟᱹᱴᱩᱵ ᱞᱮᱠᱟ, ᱱᱚᱶᱟ ᱠᱚ ᱫᱚ ᱪᱟᱶᱟᱨ ᱚᱰᱚᱠ ᱨᱮᱱᱟᱜ ᱵᱟᱹᱨᱥᱤᱧ ᱛᱟᱭᱚᱢ ᱠᱷᱟᱱ ᱜᱮ ᱠᱚ ᱯᱚᱴᱚᱡ ᱫᱚᱦᱚᱭᱟ ᱾ ᱱᱚᱶᱟ ᱠᱚ ᱫᱚ ᱟᱵᱚ ᱨᱟᱯᱟᱜ ᱠᱟᱛᱮ, ᱛᱤᱠᱤ ᱠᱟᱛᱮ ᱟᱨ ᱩᱛᱩ ᱠᱟᱛᱮ ᱦᱚᱸ ᱵᱚᱱ ᱡᱚᱢ ᱫᱟᱲᱮᱭᱟᱜ-ᱟ ᱟᱹᱰᱤ ᱥᱤᱵᱤᱞᱟ ᱾ ᱡᱚᱱᱚᱲᱟ ᱜᱮᱞᱮ ᱫᱚ ᱯᱚᱴᱚᱡ ᱨᱮᱱᱟᱜ ᱔᱘ ᱴᱟᱬᱟᱝ ᱵᱷᱤᱛᱤᱨ ᱨᱮ ᱡᱚᱢ ᱞᱮᱠᱷᱟᱱ ᱟᱹᱰᱤ ᱥᱤᱵᱤᱞ ᱵᱩᱡᱷᱟᱹᱣ-ᱟ ᱾ ᱟᱹᱰᱤ ᱜᱷᱟᱹᱲᱤᱠ ᱛᱟᱦᱮᱸ ᱞᱮᱱ ᱠᱷᱟᱱ ᱱᱚᱶᱟ ᱨᱮᱱᱟᱜ ᱥᱤᱵᱤᱞ ᱜᱩᱱ ᱛᱮᱫ ᱫᱚ ᱠᱚᱢᱚᱜ-ᱟ ᱾ᱪᱟᱥ ᱠᱟᱛᱮ ᱦᱚᱸ ᱪᱟᱹᱥᱤ ᱞᱟᱵᱽ ᱮ ᱧᱟᱢ ᱫᱟᱲᱮᱭᱟᱜ-ᱟ ᱾ ᱱᱚᱶᱟ ᱫᱚ ᱡᱚᱛᱚ ᱨᱤᱛᱩ ᱨᱮᱜᱮ ᱪᱟᱥ

ᱢᱟᱫᱷᱩᱨᱤ, ᱯᱨᱤᱭᱟ, ᱦᱟᱭᱵᱨᱤᱰ ᱥᱟᱜᱚᱨ

᱓᱕ ᱮᱢᱟᱱ ᱧᱩᱛᱩᱢᱟᱱ ᱡᱚᱱᱚᱲᱟ ᱠᱚ ᱫᱚ ᱗᱐ ᱠᱷᱚᱱ ᱗᱕ ᱫᱤᱱ ᱵᱷᱤᱛᱤᱨ ᱛᱮ ᱜᱮᱞᱮ ᱥᱟᱹᱛᱚᱜ-ᱟ ᱾

ᱪᱟᱥ ᱦᱚᱨᱟ

ᱚᱛ/ᱡᱩᱢᱤ/ᱵᱟᱹᱫᱽ ᱨᱮᱱᱟᱜ ᱦᱟᱥᱟ ᱫᱚ ᱥᱤ ᱜᱩᱸᱰᱟ ᱦᱩᱭᱩᱜ-ᱟ ᱾ ᱚᱱᱟ ᱛᱟᱭᱚᱢ ᱑ ᱮᱠᱚᱨ ᱨᱮ ᱑᱐ ᱠᱤᱞᱚᱜᱨᱟᱢ ᱠᱞᱚᱨᱚᱯᱟᱭᱨᱤᱯᱷᱚᱥ ᱜᱩᱸᱰᱟ ᱮᱨ ᱦᱩᱭᱩᱜ-ᱟ ᱟᱨ ᱚᱱᱟ ᱛᱭᱚᱢ ᱟᱲᱮ ᱠᱟᱛᱮ ᱨᱚᱦᱚᱭ ᱦᱩᱭᱩᱜ-ᱟ ᱾ ᱟᱲᱮ ᱨᱮᱱᱟᱜ ᱫᱷᱟᱹᱲ ᱠᱚ ᱛᱟᱞᱟᱨᱮ ᱖᱐ ᱥᱮᱢᱤ ᱯᱷᱟᱨᱟᱠ ᱟᱨ ᱫᱟᱨᱮ ᱫᱟᱨᱮ ᱛᱟᱞᱟᱞᱟ ᱨᱮ ᱓᱐ ᱥᱮᱢᱤ ᱯᱷᱟᱨᱟᱠ ᱨᱮ ᱡᱟᱝ/ᱤᱛᱟᱹ ᱛᱚᱯᱟ ᱞᱟᱹᱠᱛᱤ ᱾ ᱮᱭᱟᱭ ᱫᱤᱱᱟᱜ ᱪᱟᱥ ᱨᱮᱫᱚ ᱒᱕ ᱥᱮᱢᱤ ᱯᱷᱟᱫᱟ ᱛᱟᱦᱮᱸᱱ ᱞᱟᱹᱠᱛᱤ ᱫᱟᱨᱮ ᱠᱚ ᱛᱟᱞᱟ ᱨᱮ ᱾ ᱪᱟᱥ ᱚᱠᱛᱚ ᱨᱮ ᱮᱠᱚᱨ ᱯᱤᱪᱷᱟᱹ ᱓᱐-᱔᱐ ᱠᱩᱸᱭᱴᱟᱹᱞ ᱥᱮᱭᱟ ᱜᱩᱨᱤᱡ ᱠᱷᱚᱛ ᱮᱢ ᱞᱮᱠᱷᱟᱱ ᱫᱟᱨᱮ ᱠᱚ ᱢᱚᱴᱟ ᱢᱚᱴᱟ ᱢᱚᱬᱟ ᱧᱚᱜᱚᱜ-ᱟ ᱾ ᱫᱟᱨᱮ ᱨᱟᱠᱟᱵ ᱨᱮᱱᱟᱜ ᱯᱮ ᱦᱟᱯᱛᱟ ᱛᱟᱭᱚᱢ ᱮᱠᱚᱨ ᱯᱤᱪᱷᱟᱹ ᱑᱖ ᱠᱤᱞᱚᱜᱨᱟᱢ ᱱᱟᱭᱴᱨᱚᱡᱮᱱ ᱟᱨ ᱪᱟᱶᱟᱨ ᱚᱢᱚᱱ ᱢᱟᱬᱟᱝ ᱨᱮ ᱘ ᱠᱤᱞᱚᱜᱨᱟᱢ ᱱᱟᱭᱴᱨᱚᱡᱮᱱ ᱟᱨ ᱑᱐ ᱠᱤᱞᱚᱜᱨᱟᱢ ᱡᱤᱸᱠ ᱠᱷᱚᱛ ᱮᱢ ᱞᱮᱠᱷᱟᱱ ᱡᱚ/ᱜᱮᱞᱮ ᱟᱨᱦᱚᱸ ᱪᱮᱨᱦᱟ-ᱟ ᱾

ᱡᱚᱱᱚᱲᱟ ᱨᱮ ᱛᱤᱡᱩ ᱠᱚ ᱦᱚᱸ ᱡᱚᱢ ᱵᱟᱲᱟᱭ ᱜᱮᱭᱟ ᱾ ᱛᱤᱡᱩ ᱠᱚ ᱡᱚᱢ ᱠᱷᱟᱱ ᱔᱐᱐ ᱢᱤᱞᱤ ᱴᱨᱟᱭᱱᱚᱯᱷᱚᱥ ᱟᱨ ᱒᱐᱐ ᱞᱤᱴᱚᱨ ᱫᱟᱜ ᱨᱮ ᱢᱮᱥᱟ ᱠᱟᱛᱮ ᱟᱨᱮᱡ/ᱥᱤᱧᱪᱟᱹᱣ ᱞᱮᱠᱷᱟᱱ ᱛᱤᱡᱩ ᱠᱚ ᱪᱟᱵᱟᱜ-ᱟ ᱾ ᱜᱮᱞᱮ ᱦᱩᱭ ᱞᱮᱱ ᱠᱷᱟᱱ ᱪᱮᱬᱮ ᱠᱚ ᱟᱹᱰᱤ ᱠᱚ ᱡᱚᱢᱟ ᱾ ᱱᱚᱶᱟ ᱞᱟᱹᱜᱤᱫ ᱪᱟᱹᱥᱤ ᱟᱹᱰᱤ ᱢᱟᱨᱟᱝ ᱦᱟᱹᱱ ᱥᱟᱢᱱᱟ ᱦᱩᱭᱟᱭᱟ ᱾ ᱱᱚᱶᱟ ᱞᱟᱹᱜᱤᱫ ᱵᱩᱥᱩᱵ ᱵᱷᱩᱛ ᱟᱨ ᱵᱟᱝᱠᱷᱟᱱ ᱪᱚᱴᱠᱟ ᱠᱚ ᱞᱟᱜᱟᱣ ᱦᱩᱭᱩᱜ-ᱟ, ᱚᱱᱟ ᱧᱮᱞᱛᱮ ᱵᱚᱛᱚᱨ ᱠᱟᱛᱮ ᱵᱟᱠᱚ ᱟᱬᱜᱚᱱᱟ ᱾ ᱪᱟᱶᱟᱨ ᱦᱮᱡ ᱠᱟᱛᱮ ᱵᱟᱨ ᱯᱮ ᱦᱟᱯᱛᱟ ᱛᱟᱭᱚᱢ ᱯᱚᱴᱚᱡ/ᱜᱚᱫ ᱞᱟᱹᱠᱛᱤᱭᱟ ᱾ ᱱᱚᱶᱟ ᱚᱠᱛᱚ ᱨᱮ ᱫᱚ ᱡᱟᱝ ᱟᱹᱰᱤ ᱵᱟᱭ ᱠᱮᱴᱮᱡ ᱠᱚᱜ-ᱟ ᱾ ᱡᱚᱱᱚᱬᱟ ᱠᱚ ᱯᱚᱴᱚᱡ ᱪᱟᱵᱟ ᱛᱟᱭᱚᱢ ᱡᱚᱱᱚᱲᱟ ᱫᱟᱨᱮ ᱠᱚ ᱫᱚ ᱰᱟᱺᱜᱽᱨᱤ ᱡᱚᱢ ᱟᱨᱵᱟᱝ ᱩᱫ ᱪᱟᱥ ᱨᱮ ᱵᱮᱵᱷᱟᱨ ᱜᱟᱱᱚᱜ-ᱟ ᱾ ᱥᱟᱦᱟᱱ ᱞᱮᱠᱟ ᱛᱮ ᱦᱚᱸ ᱵᱮᱵᱷᱟᱨ ᱜᱟᱱᱚᱜ-ᱟ ᱾

ᱟᱫᱷᱟᱨ: ᱪᱟᱥ ᱵᱚᱭᱥᱚᱭᱤᱠ ᱥᱩᱪᱚᱱᱟ ᱛᱟᱞᱢᱟ, ᱳᱰᱤᱥᱟ ᱪᱟᱥ ᱟᱨ ᱵᱚᱭᱥᱚᱭᱤᱠᱚ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱵᱷᱩᱵᱚᱱᱮᱥᱚᱨ

ᱢᱩᱪᱟᱫ ᱵᱚᱫᱚᱞ ᱟᱨᱩ : 1/6/2020

0 ᱱᱤᱨᱤᱠ ᱠᱚ ᱟᱨ 0 ᱚᱠᱛᱟ ᱠᱚ

ᱟᱢᱟᱜ ᱱᱤᱨᱤᱠ

ᱤᱯᱤᱞ ᱠᱚ ᱪᱮᱛᱟᱱ ᱜᱩᱲᱤᱭᱟᱹᱣ ᱤᱱᱟᱹ ᱛᱟᱭᱚᱢ ᱱᱤᱨᱤᱠ ᱨᱮ ᱚᱛᱟ.

© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.

ᱥᱚᱢᱵᱚᱸᱫᱷ ᱡᱤᱱᱤᱥ ᱠᱚ