অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ᱨᱟᱥᱴᱨᱤᱭ ᱰᱤᱡᱤᱴᱟᱞ ᱥᱟᱸᱪᱟᱨ ᱱᱤᱛᱤ, 2018

ᱯᱨᱟᱥᱛᱟᱣᱱᱟ

1. ᱰᱤᱡᱤᱴᱟᱞ ᱢᱩᱞ ᱥᱩᱵᱤᱫᱟ ᱟᱨᱰᱤᱡᱤᱴᱟᱞ ᱥᱮᱣᱟ ᱠᱚ ᱢᱟᱲᱟᱝ ᱞᱮᱠᱟ ᱛᱮ ᱡᱟᱦᱟᱱ ᱫᱤᱥᱚᱢ ᱨᱮᱭᱟᱜ ᱩᱛᱷᱱᱟᱹᱣ ᱟᱨ ᱠᱤᱥᱟᱸᱲ ᱨᱮᱭᱟᱜ ᱢᱩᱞ ᱥᱟᱢᱚᱨᱛᱷ ᱟᱨ ᱜᱚᱴᱟᱣᱟᱜ ᱞᱮᱠᱟ ᱛᱮ ᱨᱟᱠᱟᱵ ᱠᱟᱱᱟ। ᱫᱩᱨᱥᱟᱸᱪᱟᱨ ᱟᱨ ᱥᱚᱯᱷᱴᱣᱮᱭᱟᱨ ᱵᱟᱱᱟᱨ ᱡᱟᱭᱜᱟ ᱨᱮ ᱟᱹᱰᱤ ᱵᱮᱥ ᱞᱮᱠᱟ ᱛᱮ ᱩᱛᱷᱱᱟᱹᱣ ᱠᱷᱮᱢᱚᱛᱟ ᱠᱷᱚᱱ ᱡᱚᱲᱟᱣ ᱵᱷᱟᱨᱚᱛ ᱰᱷᱮᱨ ᱫᱤᱥᱚᱢ ᱨᱮᱭᱟᱜ ᱛᱩᱞᱱᱟ ᱰᱤᱡᱤᱴᱟᱞ ᱥᱮᱣᱟ ᱠᱚ ᱠᱷᱚᱱ ᱮᱲᱟᱣ ᱟᱨ ᱰᱤᱡᱤᱴᱟᱞ ᱥᱮᱣᱟ ᱨᱮᱭᱟᱜ ᱠᱚᱢ ᱥᱮᱴᱮᱨᱟᱜ ᱵᱟᱡᱟᱨ ᱦᱟᱹᱵᱤᱡ ᱥᱮᱴᱮᱨ ᱵᱮᱱᱟᱣ ᱥᱟᱸᱣ ᱥᱟᱸᱣ ᱛᱮ ᱟᱨᱡᱟᱣ ᱚᱰᱚᱜ ᱨᱮᱭᱟᱜ ᱱᱟᱣᱟ ᱚᱠᱥᱚᱨ ᱡᱟᱱᱟᱢ ᱦᱚᱪᱚ ᱞᱟᱹᱜᱤᱫ ᱱᱟᱣᱟ ᱰᱤᱡᱤᱴᱟᱞ ᱯᱨᱚᱫᱭᱚᱜᱤᱠᱤ ᱠᱚ ᱟᱨ ᱯᱮᱞᱮᱴᱯᱷᱟᱨᱢ ᱨᱮᱭᱟᱜ ᱵᱮᱵᱷᱟᱨ ᱠᱟᱛᱮ ᱞᱟᱵᱷ ᱮᱢ ᱦᱚᱪᱚ ᱞᱟᱹᱜᱤᱫ ᱥᱟᱯᱲᱟᱣ ᱟᱠᱟᱱᱟ।

2. ᱵᱷᱟᱨᱛᱤᱭᱟ ᱱᱤᱛᱤ ᱱᱤᱨᱫᱷᱟᱨᱠᱚ ᱠᱚ  ᱱᱮᱣᱟ ᱱᱤᱥᱴᱟ ᱦᱚᱪᱚ ᱛᱟᱦᱮᱸ ᱠᱟᱱᱟ ᱡᱮ ᱱᱟᱣᱟ ᱯᱨᱚᱫᱭᱚᱜᱤᱠᱤ ᱨᱮᱭᱟᱜ ᱞᱟᱵ ᱡᱚᱛᱚ ᱦᱚᱲ  ᱦᱟᱵᱤᱡ ᱥᱚᱢᱟᱱ ᱞᱮᱠᱟ ᱛᱮ ᱟᱨ ᱥᱟᱥᱛᱟ ᱫᱚᱨ  ᱛᱮ ᱥᱮᱴᱮᱨᱚᱜ ᱢᱟ ᱟᱨ  ᱱᱚᱣᱟ ᱡᱟᱭᱜᱟ ᱨᱮ ᱢᱮᱱᱟᱜᱟᱜ ᱟᱨ ᱵᱟᱝ ᱦᱤᱡᱩᱜᱟᱜ ᱵᱤᱯᱚᱫ ᱛᱮ  ᱦᱚᱲ ᱠᱚ ᱟᱹᱰ ᱫᱚᱦᱚ ᱫᱟᱲᱮᱭᱟ ᱠᱚᱣᱟ। ᱵᱷᱟᱨᱚᱛ ᱵᱤᱥᱮᱥ ᱞᱮᱠᱟ ᱛᱮ ᱱᱚᱣᱟ ᱱᱤᱥᱴᱟ ᱞᱟᱹᱠᱛᱤ ᱠᱟᱱᱟ ᱡᱮ ᱱᱚᱣᱟ ᱨᱮᱭᱟᱜ ᱥᱟᱸᱪᱟᱨ  ᱢᱩᱞ ᱥᱩᱣᱤᱫᱟ ᱥᱟᱱᱟᱢ  ᱦᱚᱲ ᱞᱮᱠᱷᱟ ᱠᱚ ᱜᱚᱲᱚᱣᱟᱜ ᱪᱮᱫᱟᱜ ᱡᱮ  ᱦᱚᱲ ᱞᱮᱠᱷᱟ ᱨᱮᱭᱟᱜ ᱡᱟᱱᱥᱟᱸᱜᱠᱷᱤᱠᱤ ᱯᱨᱚᱯᱷᱟᱤᱞ ᱥᱟᱪᱷᱟᱨᱛᱟ , ᱟᱨᱛᱷᱤᱠ ᱤᱥᱛᱷᱤᱛᱤ ᱟᱨ  ᱥᱚᱦᱨᱤ ᱠᱟᱨᱟᱱ ᱞᱮᱠᱟ  ᱵᱷᱮᱱᱮᱜᱟᱨ  ᱥᱩᱪᱤ ᱠᱚ ᱨᱮ ᱟᱹᱰᱤ ᱢᱟᱨᱟᱝ ᱞᱮᱠᱟ ᱛᱮ ᱜᱮ ᱯᱟᱥᱱᱟᱣ ᱟᱠᱟᱱᱟ। ᱚᱱᱟ ᱞᱮᱠᱟ ᱛᱮ, ᱱᱚᱣᱟ ᱱᱤᱛᱤ ᱨᱮᱭᱟᱜ ᱞᱮᱪᱷᱚ ᱨᱟᱡᱚᱥᱚᱜ ᱟᱭ ᱠᱚ ᱰᱷᱮᱨ ᱩᱛᱟᱹᱨ ᱦᱚᱪᱚ ᱨᱮᱭᱟᱜ ᱛᱩᱞᱱᱟ  ᱥᱟᱨᱵ ᱵᱷᱩᱢᱤᱠ ᱠᱟᱵᱨᱮᱡ ᱮᱢ ᱨᱮᱭᱟᱜ ᱠᱟᱱᱟ ।

3. ᱰᱤᱡᱤᱴᱞ ᱵᱷᱟᱨᱚᱛ ᱨᱮᱭᱟᱜ ᱚᱵᱚᱫᱷᱟᱨᱱᱟ  ᱢᱟᱲᱟᱝ ᱛᱮ ᱜᱮ ᱠᱷᱩᱞᱟᱣ ᱪᱩᱠᱟᱣ ᱠᱟᱱᱟ। ᱵᱷᱟᱨᱚᱛ ᱨᱮᱭᱟᱜ ᱰᱤᱡᱤᱴᱟᱞ ᱯᱷᱤᱯᱷᱟᱤᱞ ᱟᱨ ᱰᱤᱡᱤᱴᱟᱞ ᱥᱮᱴᱮᱨ ᱡᱮᱜᱮᱡᱟᱠᱟᱫ ᱨᱮ  ᱟᱹᱰᱤ ᱞᱮᱜᱮᱱ ᱛᱮ  ᱢᱟᱲᱟᱸᱜ ᱵᱟᱲᱷᱟᱣ ᱤᱫᱤ ᱠᱟᱱᱟ। ᱢᱤᱫ ᱵᱤᱞᱤᱭᱟᱱ ᱠᱷᱚᱱ ᱲᱷᱮᱨ ᱢᱚᱵᱟᱤᱞ ᱯᱷᱚᱱ ᱟᱨ ᱰᱤᱡᱤᱴᱟᱞ ᱟᱤᱰᱮᱱᱴᱤᱴᱤ ᱟᱨ ᱵᱟᱝ ᱟᱫᱷᱟ ᱵᱤᱞᱤᱭᱟᱱ ᱤᱱᱴᱟᱨ ᱱᱮᱴ ᱵᱷᱮᱵᱷᱟᱨ ᱠᱚ ᱥᱟᱸᱣ ᱢᱚᱵᱟᱤᱞ ᱰᱟᱴᱟ ᱵᱮᱵᱚᱦᱟᱨ  ᱢᱟᱲᱟᱝ ᱛᱮ ᱜᱮ ᱵᱤᱥᱣ ᱨᱮ  ᱡᱚᱛᱚ ᱠᱷᱚᱱ ᱲᱷᱮᱨ ᱦᱩᱭ ᱪᱩᱠᱟᱣ ᱟᱠᱟᱱᱟ। 200  ᱢᱤᱞᱤᱭᱟᱱ ᱠᱷᱚᱱ ᱵᱟᱲᱛᱤ ᱵᱷᱟᱨᱛᱤᱭᱟ ᱱᱤᱭᱚᱢᱤᱫ ᱞᱮᱠᱟ ᱛᱮ ᱥᱚᱥᱟᱞ ᱢᱤᱰᱤᱭᱟ ᱨᱮᱭᱟᱜ ᱵᱮᱵᱷᱟᱨᱮᱫ ᱟ ᱟᱨ ᱮᱠᱮᱱ  ᱯᱟᱨᱚᱢᱮᱱ ᱥᱮᱨᱢᱟ ᱨᱮᱜᱮ 200 ᱢᱤᱞᱤᱭᱟᱱ ᱠᱷᱚ ᱱ ᱵᱟᱲᱛᱤ ᱦᱚᱲ ᱠᱚ ᱢᱚᱵᱟᱤᱞ ᱵᱮᱸᱠᱤᱸᱜ ᱟᱨ ᱰᱤᱡᱤᱴᱟᱞ ᱴᱟᱠᱟ ᱮᱢ ᱨᱮᱭᱟᱜ ᱥᱩᱣᱤᱫᱟ ᱠᱚ ᱧᱟᱢ ᱟᱠᱟᱫ ᱟ। ᱰᱤᱡᱤᱴᱟᱤᱡᱮᱥᱟᱱ ᱟᱨ ᱰᱤᱡᱤᱴᱞᱤᱠᱨᱱ ᱨᱮᱭᱟᱜ ᱵᱚᱨᱛᱟᱢᱟᱱ ᱪᱟᱞᱟᱣ ᱟᱫᱷᱟᱨ ᱛᱮ  ᱱᱚᱣᱟ ᱚᱱᱢᱟᱱ ᱟᱠᱟᱱ ᱡᱮ  ᱥᱮᱨᱢᱟ 2025 ᱦᱟᱵᱤᱡ ᱵᱷᱟᱨᱚᱛ ᱨᱮᱭᱟᱜ ᱟᱨᱛᱷ ᱵᱮᱵᱚᱥᱛᱟ  ᱢᱤᱫ ᱴᱨᱤᱞᱤᱭᱟᱱ ᱟᱢᱮᱨᱤᱠᱤ ᱰᱚᱞᱟᱨ ᱦᱟᱵᱤᱡ ᱥᱮᱴᱮᱨᱚᱜ ᱟ।  ᱵᱷᱟᱨᱚᱛ ᱨᱮ ᱢᱚᱵᱟᱤᱞ ᱯᱷᱚᱱ, ᱤᱱᱴᱟᱨᱱᱮᱴ, ᱥᱚᱥᱮᱞ ᱢᱤᱰᱤᱭᱟ ᱯᱞᱮᱴᱯᱷᱚᱨᱢ  ᱨᱮ  ᱩᱥᱨᱟ ᱟᱨ ᱟᱹᱰᱤ ᱵᱟᱲᱟᱛᱤ ᱵᱟᱲᱦᱟᱣ, ᱰᱤᱡᱤᱴᱟᱞ ᱴᱟᱠᱟ ᱮᱢ ᱨᱮᱭᱟᱜ ᱩᱥᱨᱟ ᱵᱟᱲᱦᱟᱣ, ᱰᱟᱴᱟ ᱵᱮᱵᱷᱟᱨ ᱟᱨ ᱚᱱᱟ ᱨᱮᱭᱟᱜ ᱥᱤᱨᱡᱟᱱ ᱛᱮ ᱱᱚᱣᱟ ᱩᱫᱩᱜ ᱧᱟᱢᱚᱜ ᱠᱟᱱᱟ ᱡᱮ ᱰᱟᱴᱟ ᱟᱨᱛᱷᱚᱵᱮᱵᱚᱥᱛᱟ ᱟᱨ ᱰᱤᱡᱤᱴᱟᱞ ᱯᱨᱚᱫᱚᱭᱚᱜᱤᱠᱤ ᱥᱮᱣᱟ ᱠᱚ ᱛᱤᱱᱟᱜ ᱜᱟᱱ ᱵᱤᱥᱤᱥ ᱦᱚᱲ ᱠᱚᱣᱟᱜ  ᱢᱟᱲᱟᱝ ᱦᱚᱠ ᱵᱟᱭ ᱛᱟᱦᱮᱸ ᱟᱠᱟᱱᱟ ᱢᱮᱱ ᱠᱷᱟᱱ ᱥᱟᱨᱤ ᱛᱮ ᱱᱚᱣᱟ ᱢᱤᱫ ᱢᱤᱞᱤᱭᱟᱱ ᱠᱷᱚᱱ ᱵᱟᱲᱛᱤ  ᱦᱚᱲ ᱞᱟᱹᱜᱤᱫ  ᱦᱤᱡᱩᱠ ᱟᱨ  ᱫᱟᱲᱮᱛᱮᱭᱟᱨ ᱨᱮᱭᱟᱜ ᱢᱟᱨᱟᱝ ᱡᱚᱱᱛᱨᱚ ᱞᱮᱠᱟ ᱛᱮ ᱞᱟᱦᱟ ᱦᱩᱭ ᱪᱩᱠᱟᱣ ᱠᱟᱱᱟ।

4.ᱱᱚᱣᱟ ᱫᱚᱞᱤᱞ ᱨᱮᱭᱟᱜ ᱞᱟᱪᱷᱚ ᱢᱤᱫ ᱱᱤᱛᱤ ᱟᱨ ᱱᱤᱭᱚᱢ ᱯᱷᱮᱢᱣᱟᱨᱠ ᱛᱮᱭᱟᱨ ᱦᱚᱪᱚ ᱠᱟᱱᱟ ᱚᱠᱟ ᱵᱷᱟᱨᱚᱛ ᱨᱮᱭᱟᱜ  ᱢᱟᱨᱟᱝ ᱵᱷᱮᱱᱮᱜᱟᱨ ᱦᱮᱯᱨᱟᱣ ᱠᱚ  ᱠᱮᱴᱮᱡ ᱛᱮᱭᱟᱨ ᱞᱟᱹᱜᱤᱫ ᱢᱤᱫ ᱵᱮᱵᱥᱟ ᱨᱮᱭᱟᱜ ᱦᱮᱯᱨᱟᱣ ᱫᱩᱨᱥᱟᱸᱪᱟᱨ ᱵᱟᱡᱟᱨ ᱛᱮᱭᱟᱨ ᱦᱚᱪᱚ ᱨᱮ ᱞᱮᱠ  ᱛᱮᱭᱟᱨᱟ ᱟᱨ ᱟᱵᱚᱣᱟᱜ ᱢᱚᱦᱚᱛ ᱥᱟᱱᱟ ᱨᱟᱥᱴᱨᱚ ᱨᱮᱭᱟᱜ ᱞᱟᱹᱠᱛᱤ ᱠᱚ ᱯᱩᱨᱟᱹᱣᱟ । ᱢᱟᱨᱟᱝ ᱟᱱᱩᱢᱟᱱ ᱞᱟᱜᱟᱣ ᱟᱠᱟᱱᱟ ᱡᱮ ᱡᱟᱦᱟᱸ ᱫᱤᱥᱚᱢ ᱨᱮ  ᱵᱚᱨᱚᱰᱵᱮᱸᱰ ᱨᱮᱭᱟᱜ ᱥᱮᱴᱮᱨ ᱨᱮ 10 ᱯᱨᱛᱤᱥᱟᱛ ᱨᱮᱭᱟᱜ ᱵᱟᱲᱦᱟᱣ ᱦᱚᱪᱚ ᱨᱮ ᱚᱱᱟ ᱨᱮᱭᱟᱜ ᱡᱤ.ᱰᱤ.ᱯᱤ. ᱨᱮ ᱢᱚᱴᱟ ᱢᱚᱴᱤ  1 ᱯᱨᱛᱤᱥᱟᱛ ᱨᱮᱭᱟᱜ ᱵᱟᱲᱦᱟᱣ ᱦᱩᱭᱩᱜ ᱟ।  ᱢᱮᱱ ᱠᱷᱟᱱ ᱵᱷᱟᱨ ᱨᱮ ᱦᱩᱭ ᱦᱚᱪᱚ  ᱚᱫᱷᱮᱭᱟᱱ ᱛᱮ ᱟᱚᱱᱢᱟᱱ  ᱟᱠᱟᱱᱟ ᱡᱮ ᱚᱨᱛᱷᱚ ᱵᱮᱵᱚᱥᱛᱟᱨᱮ ᱦᱩᱭᱩᱜᱟ ᱟᱨᱡᱟᱣ ᱚᱰᱚᱠ ᱟᱨ ᱫᱟᱪᱷᱟᱛᱟ ᱨᱮᱭᱟᱜ ᱡᱚᱱᱚᱲ ᱨᱮ ᱦᱩᱭᱩᱜᱟᱜ ᱞᱟᱵᱷ ᱨᱮ  ᱵᱟᱲᱷᱟᱣ ᱦᱩᱭᱩᱜ ᱠᱟᱨᱚᱱ ᱫᱤᱥᱚᱢ ᱨᱮ  ᱱᱚᱣᱟ ᱨᱮᱭᱟᱜ ᱯᱨᱵᱷᱟᱣ ᱢᱮᱦᱚᱛ ᱞᱮᱠᱟ ᱛᱮ  ᱟᱨ ᱵᱟᱲᱛᱤ ᱦᱩᱭ ᱫᱟᱲᱮᱭᱟᱜ ।

5. ᱵᱚᱨᱛᱢᱟᱱ ᱥᱚᱢᱚᱭ ᱨᱮ ᱵᱷᱟᱨᱚᱛ ᱨᱮ ᱢᱚᱴᱟ ᱢᱚᱴᱤ 1.5 ᱢᱤᱞᱤᱭᱟᱱ ᱠᱤ.ᱢᱤ. ᱚᱮᱯᱷᱥᱤ ᱢᱮᱱᱟᱜ ᱟ ᱟᱨ  ᱢᱤᱫ ᱛᱮᱥᱟᱨ ᱠᱷᱚᱱ ᱠᱚᱢ ᱴᱟᱣᱟᱨ ᱯᱷᱟᱤᱵᱮᱨ ᱥᱟᱸᱣ ᱡᱩᱲᱟᱣ ᱟᱠᱟᱱᱟ। ᱫᱤᱥᱚᱢ ᱵᱷᱤᱛᱤᱨ ᱨᱮ  ᱢᱚᱵᱟᱤᱞ ᱟᱨ ᱵᱚᱨᱚᱰᱵᱮᱸᱰ ᱠᱟᱱᱮᱠᱴᱚᱵᱷᱤᱴᱤ ᱨᱮᱭᱟᱜ ᱯᱟᱥᱱᱟᱣ  ᱞᱟᱹᱜᱤᱫ  ᱱᱚᱣᱟ ᱞᱟᱹᱠᱛᱤ ᱠᱟᱱᱟ ᱡᱮ  ᱥᱮᱴᱮᱞᱟᱤᱴ ᱥᱟᱸᱪᱟᱨ  ᱥᱟᱸᱣ  5 ᱡᱤ ᱟᱨ ᱮᱴᱟᱜ  ᱞᱟᱦᱟᱣᱟᱜ ᱱᱮᱴᱣᱟᱨᱠ ᱦᱤᱡᱩᱜ ᱯᱨᱚᱫᱚᱭᱚᱜᱤᱠᱤ ᱠᱚ  ᱞᱮᱠᱟ  ᱦᱩᱡᱩᱜ ᱠᱟᱱ ᱯᱤᱲᱤᱦᱤ ᱱᱮᱴᱣᱟᱨᱠ ᱛᱮ ᱡᱟᱱᱟᱢ ᱚᱠᱥᱚᱨ ᱨᱮᱭᱟᱜ ᱛᱚᱞᱟᱥ ᱦᱚᱪᱚᱭᱟ ᱟᱨ ᱚᱱᱟ ᱨᱮᱭᱟᱜ ᱵᱮᱵᱷᱟᱨ ᱟ।  ᱚᱛ ᱟᱨ ᱚᱛ ᱵᱷᱤᱛᱤᱨ ᱵᱟᱱᱟᱨ ᱢᱩᱞ ᱥᱩᱣᱤᱫᱟ ᱠᱚ ᱞᱟᱹᱜᱤᱫ ᱯᱷᱟᱤᱵᱟᱨ ᱟᱴᱮᱫ ᱟᱨ  ᱦᱚᱨ ᱦᱚᱠ ᱵᱟᱛᱟᱣ ᱮᱢ ᱥᱟᱸᱣ ᱡᱩᱲᱟᱣ ᱯᱷᱤᱠᱥ ᱢᱩᱞ ᱥᱩᱣᱤᱫᱟ ᱠᱚ ᱨᱮᱭᱟᱜ ᱞᱟᱦᱟ ᱦᱚᱪᱚ ᱨᱮ  ᱫᱷᱮᱭᱟᱱ ᱠᱮᱱᱫᱨᱤᱛ ᱦᱚᱪᱚ ᱞᱟᱹᱠᱛᱤ ᱦᱩᱭᱩᱜ ᱟ ᱪᱮᱜᱟᱜ ᱡᱮ ᱱᱚᱣᱟ ᱦᱤᱡᱩᱜ ᱠᱟᱱ ᱯᱤᱲᱤᱦᱤ ᱠᱚᱣᱟᱜ ᱯᱨᱚᱫᱚᱭᱚᱜᱤᱠᱤ ᱨᱮᱭᱟᱜ  ᱟᱫᱷᱟᱨ ᱥᱤᱞᱟ  ᱵᱮᱱᱟᱣᱟ।

6. ᱦᱚᱭ ᱛᱮ ᱵᱷᱟᱨᱚᱛ ᱨᱮ  ᱵᱷᱟᱨᱚᱛ ᱱᱮᱴ ᱧᱩᱛᱩᱢ  ᱟᱡᱟᱜ ᱢᱩᱞ ᱠᱩᱨᱩᱢᱩᱴᱩ ᱢᱟᱫᱷᱮᱭᱟᱢ ᱵᱨᱚᱰᱵᱮᱸᱰ ᱫᱟᱨᱟᱭ ᱛᱮ ᱱᱤᱡᱮ  600000  ᱟᱹᱛᱩ ᱨᱮ  ᱡᱚᱲᱟᱣ ᱨᱮᱭᱟᱜ ᱞᱟᱪᱷᱚ ᱵᱤᱥᱣ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱟᱹᱛᱩ ᱚᱠᱴᱤᱠᱟᱞ ᱯᱷᱟᱤᱵᱟᱨ  ᱨᱮᱞ ᱟᱩᱴ ᱯᱟᱨᱤᱭᱚᱡᱟᱱᱟ ᱮᱦᱚᱵᱟ ᱟᱠᱟᱫ ᱟ; ᱚᱱᱟ ᱛᱮ 5 ᱡᱤ, ᱫᱤ ᱠᱟᱞᱟᱩᱰ, ᱟᱤ.ᱚ.ᱴᱤ. ᱟᱨ ᱰᱟᱴᱟ ᱮᱱᱟᱞᱤᱥᱴ ᱥᱟᱸᱣ ᱠᱨᱟᱸᱛᱤ ᱠᱟᱨᱤ ᱯᱨᱚᱫᱚᱭᱚᱜᱤᱠᱤ ᱠᱚ ᱨᱮᱭᱟᱜ ᱫᱚᱞ ᱥᱟᱸᱣ ᱜᱨᱚᱤᱸᱜ ᱤᱥᱴᱟᱴᱟᱯ ᱥᱟᱢᱩᱫᱟᱤ, ᱟᱡᱟᱜ  ᱰᱤᱡᱤᱴᱟᱞ ᱠᱟᱹᱢᱤ ᱠᱚ  ᱵᱟᱲᱷᱟᱣ ᱮᱢ ᱟᱨ ᱚᱱᱟ ᱥᱟᱸᱜᱤᱜ ᱡᱟᱭᱜᱟ ᱦᱟᱵᱤᱡ ᱥᱮᱴᱮᱨ ᱦᱚᱪᱚ ᱛᱟᱞᱟ ᱥᱚᱢᱟᱱ ᱛᱷᱟᱯᱚᱱ ᱦᱚᱪᱚ ᱛᱮ ᱚᱠᱥᱚᱨ ᱨᱮᱭᱟᱜ ᱱᱟᱣᱟ ᱫᱩᱣᱟᱨ ᱡᱷᱤᱡᱩᱜ ᱟ।  ᱪᱮᱫᱟᱜ ᱡᱮ ᱥᱚᱸᱜᱥᱟᱨ ᱯᱩᱱᱟᱜ ᱚᱫᱷᱭᱚᱜᱤᱠ ᱠᱨᱟᱱᱛᱤ ᱞᱟᱹᱜᱤᱫ  ᱥᱟᱯᱲᱟᱜ ᱠᱟᱱᱟ  ᱚᱱᱟ ᱛᱮ  ᱵᱷᱟᱨᱚᱛ ᱟᱨ  ᱩᱱᱤᱭᱟᱜ ᱚᱨᱛᱷ ᱵᱮᱵᱚᱥᱛᱟ ᱨᱮᱭᱟᱜ ᱡᱚᱛᱚ  ᱮᱥᱠᱟᱨ ᱡᱟᱭᱜᱟ ᱠᱚ ᱱᱚᱣᱟ ᱚᱠᱥᱚᱨ ᱟᱸᱜᱚᱪ ᱦᱚᱪᱚ ᱞᱟᱹᱜᱤᱫ ᱥᱟᱯᱲᱟᱣ ᱛᱟᱦᱮᱸ  ᱞᱟᱹᱠᱛᱤ ᱠᱟᱱᱟ।

7. ᱢᱤᱫ ᱠᱮᱴᱮᱡ, ᱦᱮᱯᱨᱟᱣ ᱧᱮᱞ ᱚᱰᱚᱠ ᱚᱠᱟ ᱱᱟᱣᱟ ᱥᱟᱸᱪᱟᱨ ᱯᱨᱚᱫᱚᱭᱚᱜᱤᱠᱚ, ᱥᱮᱣᱟ ᱠᱚ ᱟᱨ  ᱟᱱᱩᱯᱨᱤᱭᱚᱜ ᱨᱮᱭᱟᱜ ᱧᱟᱢ ᱛᱮᱫ ᱠᱚ  ᱱᱤᱥᱴᱟᱭᱟ, ᱡᱤ.ᱰᱤ.ᱯᱤ., ᱟᱨᱡᱟᱣ ᱚᱰᱚᱠ ᱨᱮᱭᱟᱜ ᱵᱟᱲᱦᱟᱣ  ᱟᱨ ᱚᱨᱛᱷᱚᱵᱮᱵᱚᱥᱛᱟ ᱨᱮ  ᱱᱟᱣᱟ ᱱᱚᱠᱨᱤ ᱠᱚ  ᱥᱤᱨᱡᱟᱣ ᱞᱟᱹᱜᱤᱫ ᱞᱟᱹᱠᱛᱤ ᱠᱟᱱᱟ ।  ᱵᱮᱵᱷᱟᱨ ᱠᱚ ᱞᱟᱹᱜᱤᱫ ᱦᱮᱯᱨᱟᱣ ᱱᱟᱣᱟ ᱪᱟᱨ , ᱱᱟᱣᱟ ᱯᱨᱚᱫᱚᱜᱤᱠᱤ ᱠᱚ ᱦᱟᱵᱤᱡ ᱥᱮᱴᱮᱨ, ᱵᱮᱥ ᱜᱩᱱ ᱛᱮᱫ, ᱵᱟᱦᱟᱣ ᱫᱚᱨ ᱟᱨ ᱢᱟᱨᱟᱝ ᱮᱯᱮᱴᱟᱜ ᱥᱮᱫ  ᱞᱟᱦᱟ ᱦᱚᱪᱚᱭᱟ। ᱵᱷᱟᱨᱚᱛᱤᱭᱚ ᱵᱮᱵᱷᱟᱨ ᱠᱚ  ᱦᱮᱯᱨᱟᱣ ᱫᱚᱨ ᱨᱮ ᱥᱮᱣᱟ ᱠᱚ ᱨᱮᱭᱟᱜ  ᱢᱟᱨᱟᱝ ᱦᱟᱹᱴᱤᱝ ᱞᱟᱹᱠᱛᱤ ᱠᱟᱱᱟ ᱟᱨ ᱩᱱᱠᱩ ᱚᱱᱟ ᱞᱟᱹᱜᱤᱫ ᱯᱟᱛᱨᱚ ᱦᱚᱸ ᱠᱚᱱᱟ ᱠᱚ।  ᱱᱤᱛᱤ ᱨᱮ ᱥᱟᱸᱪᱟᱨ ᱟᱨ ᱰᱤᱡᱤᱴᱟᱞ ᱟᱨᱛᱷ ᱵᱮᱵᱚᱥᱛᱟ ᱨᱮᱭᱟᱜ ᱡᱟᱭᱜᱟ ᱨᱮ  ᱥᱣᱟᱥᱛ ᱦᱮᱯᱨᱟᱣ ᱠᱚ ᱵᱟᱲᱦᱟᱱ ᱮᱢ ᱟᱨ ᱚᱱᱟ ᱨᱮᱭᱟᱜ ᱟᱹᱰ ᱦᱚᱪᱚ  ᱩᱭᱦᱟᱹᱨ ᱠᱚ ᱠᱟᱱᱟ।

8. ᱱᱤᱭᱚᱢ ᱠᱚᱨᱮ ᱥᱩᱫᱷᱟᱨ ᱟᱨ ᱞᱮᱛᱟᱲ ᱞᱮᱠᱟ ᱛᱮ ᱪᱟᱞᱟᱜᱟᱜ ᱥᱚᱸᱜᱨᱮᱪᱱᱟ  ᱥᱩᱫᱷᱟᱨ ᱢᱤᱫ ᱠᱮᱴᱮᱡ  ᱱᱤᱛᱤ ᱛᱮᱭᱟᱨ ᱠᱩᱨᱩᱢᱩᱴᱩ ᱨᱮᱭᱟᱜ ᱠᱷᱩᱸᱴᱤ ᱠᱟᱱᱟ।  ᱱᱤᱭᱚᱢ ᱞᱮᱠᱟ ᱛᱮ ᱥᱩᱫᱷᱟᱨ  ᱢᱤᱫ ᱫᱷᱟᱣ ᱨᱮᱭᱟᱜ ᱠᱩᱨᱩᱢᱩᱴᱩ ᱫᱚ ᱵᱟᱝ ᱠᱟᱱᱟ ᱢᱮᱱᱠᱷᱟᱱ  ᱱᱚᱣᱟ ᱢᱤᱫ ᱞᱮᱛᱟᱲᱟᱜ , ᱡᱤᱞᱤᱸᱧ ᱚᱠᱛᱚ ᱦᱟᱹᱵᱤᱡᱟᱜ ᱟᱨ ᱟᱹᱰᱤ ᱞᱮᱠᱟᱱ ᱯᱨᱚᱠᱨᱤᱭᱟ ᱠᱟᱱᱟ।  ᱱᱚᱣᱟ ᱱᱤᱛᱤ ᱨᱮ  ᱵᱷᱟᱨᱚᱛ ᱨᱤᱱ ᱱᱟᱜᱚᱨᱤᱠ ᱠᱚ ᱣᱟᱜ ᱞᱟᱹᱠᱛᱤ  ᱯᱩᱨᱟᱹ ᱦᱚᱪᱚ ᱞᱟᱹᱜᱤᱫ  ᱱᱤᱣᱮᱥ  ᱠᱚ ᱟᱠᱚᱨᱥᱤᱠ ᱦᱚᱪᱚ ᱟᱨ ᱥᱣᱟᱥᱛ ᱦᱮᱯᱨᱟᱣ ᱜᱚᱴᱟ ᱦᱚᱪᱚ ᱞᱟᱹᱜᱤᱫ ᱱᱤᱭᱚᱢ ᱞᱮᱠᱟ ᱛᱮ  ᱢᱩᱞ ᱥᱩᱣᱤᱫᱟ ᱨᱮ  ᱞᱮᱛᱟᱲ ᱥᱩᱫᱷᱟᱨ ᱨᱮᱭᱟᱜ ᱢᱚᱦᱚᱛ ᱠᱚ  ᱥᱤᱠᱟᱨ ᱦᱚᱪᱚ ᱟᱠᱟᱱᱟ । ᱱᱚᱣᱟ ᱡᱟᱭᱜᱟ ᱨᱮᱭᱟᱜ  ᱯᱩᱸᱡᱤ ᱩᱛᱷᱱᱟᱣ ᱠᱨᱟᱠᱨᱤᱛᱤ ᱠᱚ ᱫᱷᱮᱭᱟᱱ ᱨᱮ ᱫᱚᱦᱚ ᱟᱛᱮ  ᱱᱚᱣᱟ ᱱᱤᱛᱤ ᱨᱮ  ᱡᱤᱞᱤᱧ ᱚᱠᱛᱮ, ᱢᱟᱨᱟᱝ ᱜᱩᱱ ᱛᱮᱫ ᱢᱮᱥᱟ ᱟᱨ  ᱦᱟᱛᱟᱣ ᱠᱮ ᱱᱤᱣᱮᱥ  ᱚᱨ ᱦᱚᱪᱚ ᱨᱮᱭᱟᱜ ᱡᱚᱥ ᱛᱮᱫ  ᱫᱚᱦᱚ ᱟᱠᱟᱱᱟ । ᱱᱚᱣᱟ ᱩᱫᱮᱥ ᱠᱚ ᱯᱩᱨᱟᱹᱣ ᱦᱚᱪᱚ ᱞᱟᱹᱜᱤᱫ  ᱱᱚᱣᱟ ᱱᱤᱛᱤ ᱨᱮ  ᱱᱚᱣᱟ ᱱᱤᱥᱴᱟ ᱦᱚᱪᱚ ᱞᱟᱹᱜᱤᱫ ᱱᱤᱭᱚᱢ ᱞᱮᱠᱟ ᱛᱮ ᱥᱩᱫᱷᱟᱨ ᱦᱚᱪᱚ ᱨᱮᱭᱟᱜ ᱡᱚᱥ ᱛᱮᱫ ᱦᱚᱸ ᱫᱚᱦᱚ ᱟᱠᱟᱱᱟ ᱡᱟᱦᱟᱸ ᱛᱮ  ᱱᱤᱭᱚᱢ ᱞᱮᱠᱟ ᱛᱮ ᱢᱩᱞ ᱥᱩᱣᱤᱫᱟ ᱟᱨ ᱯᱨᱠᱨᱤᱭᱟ ᱠᱚ ᱥᱚᱢᱵᱚᱸᱫᱷ ᱦᱩᱭᱩᱜ, ᱧᱮᱞ ᱯᱟᱨᱚᱢᱟᱜ, ᱨᱚᱲ ᱨᱩᱣᱟᱲ  ᱟᱨ ᱵᱷᱣᱤᱥᱴᱟ ᱩᱛᱷᱱᱟᱣ ᱛᱟᱦᱮᱸᱱ ᱢᱟ। ᱱᱚᱣᱟ ᱪᱷᱟᱹᱰᱟ, ᱱᱚᱣᱟ ᱱᱤᱛᱤ ᱨᱮ  ᱱᱤᱭᱚᱢ ᱞᱮᱠᱟ ᱛᱮ ᱵᱟᱫᱷᱟ ᱠᱚ  ᱥᱟᱦᱟ ᱦᱚᱪᱚ ᱟᱨ ᱱᱤᱭᱚᱢ ᱞᱮᱠᱟ ᱛᱮ ᱵᱚᱡᱷ ᱠᱚ ᱠᱚᱢ ᱦᱚᱪᱚ ᱨᱮᱭᱟᱜ ᱥᱟᱪᱷᱟᱭ ᱦᱚᱸ ᱫᱚᱦᱚ ᱟᱠᱟᱱᱟ ᱪᱮᱫᱟᱜ ᱡᱮ  ᱱᱚᱣᱟ ᱱᱤᱣᱮᱥ, ᱱᱟᱣᱟᱪᱟᱨ ᱟᱨ ᱵᱮᱵᱷᱟᱨ ᱠᱚᱣᱟᱜ ᱥᱩᱣᱤᱫᱟ ᱨᱮ ᱞᱚᱥᱠᱟᱱ ᱥᱮᱴᱮᱨᱟ।  ᱱᱚᱣᱟ ᱱᱤᱛᱤ ᱨᱮ ᱡᱟᱭᱜᱟ ᱨᱮ ᱭᱟᱜ ᱥᱚᱸᱥᱛᱷᱟᱜᱚᱛ ᱵᱮᱵᱚᱥᱛᱟ ᱟᱨ ᱵᱤᱫᱟᱤ ᱢᱩᱞ ᱥᱩᱣᱤᱫᱟ ᱠᱚ  ᱠᱮᱴᱮᱡ ᱦᱚᱪᱚ ᱨᱮᱭᱟᱜ  ᱩᱯᱟᱭ ᱦᱚᱸ ᱦᱩᱭ ᱦᱚᱪᱚ ᱟᱠᱟᱱᱟ ᱡᱮᱢᱚᱱ  ᱱᱚᱣᱟ ᱱᱤᱥᱴᱟ ᱫᱟᱲᱮᱭᱟᱢᱟ ᱡᱮ ᱵᱷᱟᱨᱚᱛ ᱨᱮᱭᱟᱜ ᱟᱨᱛᱷᱚᱵᱮᱵᱚᱥᱛᱟ ᱟᱨ ᱱᱟᱜᱚᱨᱤᱠ ᱟᱠᱚᱣᱟᱜ  ᱰᱤᱡᱤᱴᱟᱞ ᱥᱟᱸᱪᱟᱨ  ᱡᱟᱭᱜᱟ ᱨᱮᱭᱟᱜ  ᱯᱩᱨᱟᱹ ᱠᱷᱮᱢᱚᱛᱟ  ᱠᱚ ᱵᱮᱵᱷᱟᱨ ᱫᱟᱲᱮᱭᱟᱜ।

9. ᱡᱩᱫᱤᱨᱟᱠᱟᱵ ᱠᱟᱱ ᱟᱨᱛᱷᱚᱵᱮᱵᱚᱥᱛᱟ ᱨᱮ  ᱵᱷᱟᱨᱚᱛ ᱨᱮᱭᱟᱜ ᱟᱨᱛᱷᱤᱠ, ᱥᱟᱢᱟᱡᱤᱠ ᱟᱨ ᱨᱟᱡᱱᱤᱛᱤᱠ ᱥᱩᱣᱤᱫᱟ ᱠᱚ ᱯᱨᱚᱵᱷᱟᱣ ᱞᱮᱠᱟ ᱛᱮ ᱟᱹᱰ ᱦᱚᱪᱚᱭᱟ ᱮᱱ ᱠᱷᱟᱱ  ᱵᱮᱥᱩᱣᱤᱠ ᱰᱤᱡᱤᱴᱟᱞ ᱟᱨᱛᱷᱚ ᱵᱮᱵᱚᱥᱛᱟ ᱨᱮ ᱵᱷᱟᱜᱤᱫᱟᱨᱤ ᱦᱚᱪᱚ ᱚᱠᱛᱚ ᱰᱟᱴᱟ ᱟᱯᱱᱟᱨ , ᱮᱯᱮᱴᱟᱜ  ᱟᱨ ᱟᱠᱚᱨᱤᱱ ᱱᱟᱜᱚᱨᱤᱠ ᱠᱚᱣᱟᱜ ᱟᱹᱰ ᱥᱟᱸᱣ ᱰᱤᱡᱤᱴᱟᱞ ᱥᱟᱢᱯᱨᱟᱵᱷᱩᱛᱟ ᱠᱚ ᱡᱚᱛᱚ ᱠᱷᱚᱱ ᱪᱮᱛᱟᱱ ᱢᱚᱦᱚᱛ ᱮᱢ ᱦᱚᱪᱚ ᱞᱟᱹᱜᱤᱫ ।

10. ᱰᱤᱡᱤᱴᱟᱞ ᱥᱟᱸᱪᱟᱨ ᱥᱚᱢᱵᱚᱸᱫᱷ ᱛᱮ ᱨᱟᱥᱴᱨᱤᱭ ᱱᱤᱛᱤ ᱨᱮᱭᱟᱜ  ᱩᱫᱮᱥ ᱫᱤᱥᱩᱢ ᱟᱨ ᱩᱱᱠᱩᱨᱤᱱ ᱱᱟᱜᱚᱨᱤᱠ ᱠᱚᱣᱟᱜ ᱵᱷᱟᱣᱤᱥᱟᱭ ᱞᱟᱹᱜᱤᱫ ᱛᱮᱭᱟᱨ ᱦᱚᱪᱚ ᱠᱟᱱᱟ। ᱱᱚᱣᱟ ᱡᱚᱥ ᱛᱮᱫ ᱠᱚ ᱧᱟᱢ ᱦᱚᱪᱚ ᱞᱟᱹᱜᱤᱫ ᱱᱚᱣᱟ ᱟᱥᱟ ᱛᱟᱦᱮᱸᱱᱟ ᱡᱮ ᱢᱩᱞ ᱮᱥᱴᱮᱠ ᱫᱷᱟᱨᱚᱠ  ᱧᱩᱛᱩᱢ ᱛᱮ  ᱠᱮᱸᱫᱨᱚ, ᱨᱟᱡᱚ,ᱟᱥᱛᱷᱟᱱᱤᱭᱚ ᱥᱚᱨᱠᱟᱨ ᱟᱨ ᱮᱡᱮᱸᱥᱤ ᱠᱚ, ᱫᱩᱨ ᱥᱟᱸᱪᱟᱨ ᱥᱮᱣᱟ ᱮᱢᱚᱜ ᱠᱚ, ᱤᱱᱴᱟᱨ ᱱᱮᱴ ᱥᱮᱣᱟ ᱮᱢᱚᱜ ᱠᱚ ᱢᱩᱞ ᱥᱩᱣᱤᱫᱟ ᱠᱚ ᱮᱢᱚᱜᱤᱡ,  ᱦᱮᱸᱰᱥᱮᱴ ᱟᱨ ᱩᱯᱮᱥᱠᱟᱨ ᱛᱮᱭᱟᱨᱤᱡ, ᱥᱤᱪᱷᱟᱵᱤᱫ ᱥᱟᱢᱩᱫᱟᱭ, ᱤᱱᱚᱵᱮᱴᱟᱨ ᱟᱨ ᱤᱥᱴᱟᱴᱟᱯ ᱠᱚ  ᱢᱤᱫ ᱥᱟᱸᱣ ᱦᱮᱡ ᱠᱟᱛᱮ ᱢᱤᱫ ᱜᱚᱴ ᱵᱚᱱᱫᱷᱚᱱ ᱛᱮᱭᱟᱨ ᱠᱟᱛᱮ ᱱᱚᱣᱟ ᱨᱟᱥᱴᱨᱤᱭᱮᱱᱤᱛᱚ ᱟᱨ  ᱚᱱᱟ ᱨᱮᱭᱟᱜ ᱢᱤᱥᱚᱱ ᱠᱚ ᱯᱩᱨᱟᱹᱣ ᱦᱚᱪᱚ ᱠᱟᱱᱟ।

11. ᱰᱤᱡᱤᱴᱞ ᱥᱟᱸᱪᱟᱨ ᱤᱠᱚᱥᱮᱥᱴᱮᱢ ᱨᱮ ᱦᱩᱭ ᱟᱠᱟᱱ ᱵᱚᱫᱚᱞ ᱠᱚ ᱟᱨ  ᱞᱟᱦᱟ ᱟᱠᱟᱱ ᱠᱚ ᱫᱷᱮᱭᱟᱱ ᱨᱮ ᱫᱚᱦᱚ ᱠᱟᱛᱮ ᱨᱟᱥᱴᱨᱤᱭᱚ ᱫᱩᱨᱥᱟᱸᱪᱟᱨ ᱱᱤᱛᱤ ᱠᱚ ᱤᱱᱟ ᱛᱟᱭᱚᱢ ᱨᱟᱥᱴᱨᱤᱭᱮ ᱰᱤᱡᱤᱴᱟᱞ ᱥᱟᱸᱪᱟᱨ ᱱᱤᱛᱤ ᱢᱮᱱ ᱦᱚᱪᱚᱭᱟ।  ᱱᱤᱛᱤ ᱠᱚ ᱯᱨᱚᱵᱷᱟᱣ ᱞᱮᱠᱟ ᱛᱮ ᱛᱟᱢᱤᱞ ᱦᱚᱪᱚ ᱟᱨ ᱚᱱᱟ ᱨᱮᱭᱟᱜ ᱯᱨᱚᱵᱷᱟᱣ ᱞᱮᱠᱟ ᱛᱮ ᱱᱤᱜᱨᱟᱱᱤ ᱱᱤᱥᱴᱟ ᱦᱚᱪᱚ ᱞᱟᱹᱜᱤᱫ ᱱᱚᱣᱟ ᱯᱨᱚᱥᱛᱟᱣ ᱢᱮᱱᱟᱜ ᱡᱮ ᱫᱩᱨᱥᱟᱸᱪᱟᱨ ᱟᱭᱚᱜ  ᱠᱚ ᱰᱤᱡᱤᱴᱟᱞ ᱥᱟᱸᱪᱟᱨ ᱟᱭᱚᱜ ᱞᱮᱠᱟ ᱛᱮ  ᱫᱚᱦᱟᱲ ᱡᱚᱦ ᱛᱮᱭᱟᱨ ᱦᱚᱪᱚᱭ ᱢᱟ ᱡᱮᱢᱚᱱ  ᱱᱚᱣᱟ ᱱᱤᱥᱴᱟ ᱫᱟᱲᱮᱭᱟᱜ ᱢᱟ ᱡᱮ ᱱᱚᱣᱟ ᱡᱟᱭᱜᱟ ᱨᱮ.ᱭᱟᱜ ᱪᱮᱛᱟᱱ ᱟᱸᱥ ᱠᱚ ᱜᱚᱴᱟ ᱥᱚᱢᱟᱭ ᱥᱤᱢᱟᱹ ᱨᱮᱭᱟᱜ ᱵᱷᱤᱛᱤᱨ ᱧᱟᱢ ᱫᱟᱲᱮᱭᱟᱜ ᱟ।

ᱨᱟᱥᱴᱨᱤᱭᱮ ᱥᱟᱸᱪᱟᱨ ᱱᱤᱛᱤ  2018

ᱨᱟᱥᱴᱨᱤᱭᱮ ᱰᱤᱡᱤᱴᱟᱞ ᱥᱟᱸᱪᱟᱨ ᱱᱤᱛᱤ, 2018 ᱨᱮᱭᱟᱜ ᱩᱫᱮᱥ ᱰᱤᱡᱤᱴᱟᱞ ᱫᱟᱲᱮ ᱛᱮᱭᱟᱨ ᱟᱨ ᱵᱷᱟᱨᱚᱛ ᱨᱤᱱ ᱦᱚᱲ ᱠᱚᱣᱟᱜ ᱠᱩᱥᱤ ᱨᱮᱭᱟᱜ ᱡᱚᱥ ᱛᱮᱫ ᱧᱟᱢ ᱞᱟᱹᱜᱤᱫ  ᱰᱤᱡᱤᱴᱟᱞ ᱥᱟᱸᱪᱟᱨ ᱱᱮᱴᱣᱟᱨᱠ ᱨᱮᱭᱟᱜ ᱵᱚᱫᱚᱞ ᱦᱚᱪᱚ ᱫᱟᱲᱮ ᱠᱚ ᱩᱫᱩᱜ ᱦᱚᱪᱚ ᱟᱨ ᱱᱚᱣᱟ ᱯᱟᱨᱤᱭᱚᱡᱟᱱ ᱨᱮᱭᱟᱜ ᱩᱫᱮᱥ ᱠᱚ  ᱡᱚᱲ ᱛᱮᱭᱟᱨ, ᱠᱩᱨᱩᱢᱩᱴᱩ ᱠᱚ , ᱠᱟᱹᱢᱤ ᱱᱤᱛᱤ  ᱠᱚ ᱟᱨ ᱞᱟᱹᱠᱛᱤᱭᱟᱜ ᱱᱤᱛᱤ ᱨᱮᱭᱟᱜ  ᱯᱷᱚᱞ ᱠᱚ  ᱩᱫᱩᱜ ᱦᱚᱪᱚ ᱨᱮᱭᱟᱜ ᱠᱩᱨᱩᱢᱩᱴᱩ ᱠᱟᱱᱟ ।

ᱨᱟᱥᱴᱨᱤᱭᱚ ᱥᱟᱸᱪᱟᱨ ᱱᱤᱛᱤ ᱨᱮᱭᱟᱜ ᱩᱫᱮᱥ ᱥᱮᱨᱢᱟ 2022  ᱦᱟᱵᱤᱡ ᱱᱚᱣᱟ ᱠᱚ ᱠᱟᱹᱢᱤ ᱱᱤᱛᱤ ᱯᱨᱭᱚᱡᱟᱱ ᱨᱮᱭᱟᱜ ᱯᱟᱞᱚᱱ ᱦᱚᱪᱚ ᱠᱟᱱᱟ -

1. ᱡᱚᱛᱚ ᱦᱚᱲ ᱞᱟᱹᱜᱤᱫ ᱵᱨᱚᱰᱵᱮᱸᱰ ᱨᱮᱭᱟᱜ ᱯᱨᱟᱣᱫᱷᱟᱱ ᱦᱚᱪᱚ

2. ᱰᱤᱡᱤᱴᱟᱞ ᱥᱟᱸᱪᱟᱨ ᱡᱟᱭᱜᱟ ᱨᱮ 4 ᱢᱤᱞᱤᱭᱟᱱ ᱵᱟᱲᱛᱤ ᱨᱮᱡᱜᱟᱨ  ᱥᱤᱨᱡᱟᱣ ᱦᱚᱪᱚ

3.ᱵᱷᱟᱨᱚᱛ ᱨᱮᱭᱟᱜ ᱡᱤᱰᱤᱯᱤ. ᱨᱮ ᱰᱤᱡᱤᱴᱟᱞ ᱥᱟᱸᱪᱟᱨ ᱡᱟᱭᱜᱟ ᱨᱮ ᱨᱮᱭᱟᱜ ᱜᱚᱲᱚ ᱠᱚ ᱥᱮᱨᱢᱟ 2017 ᱨᱮ 6 ᱯᱨᱛᱤᱥᱟᱛ ᱨᱮᱭᱟᱜ ᱛᱩᱞᱟ ᱡᱚᱠᱷᱟ ᱨᱮ ᱱᱚᱣᱟ ᱵᱟᱲᱦᱟᱣ ᱠᱟᱛᱮ 8 ᱯᱨᱛᱤᱥᱟᱛ ᱦᱩᱭ ᱦᱚᱪᱚ

4. ᱟᱤ.ᱴᱤ.ᱭᱩ. ᱨᱮᱭᱟᱜ ᱟᱤ.ᱥᱤ.ᱴᱤ. ᱣᱤᱠᱟᱥ ᱥᱩᱪᱤ ᱨᱮ ᱵᱷᱟᱨᱚᱛ ᱨᱮᱭᱟᱜ ᱴᱷᱟᱸᱣ ᱥᱮᱨᱢᱟ 2017  ᱨᱮ  134 ᱜᱚᱴᱮᱡ ᱛᱟᱦᱮᱸ ᱠᱟᱱᱟ, ᱱᱚᱣᱟ ᱡᱚᱛᱚ ᱠᱷᱚᱱ ᱪᱮᱛᱟᱱ 50 ᱫᱤᱥᱚᱢ ᱨᱮᱟᱹᱜᱩ ᱦᱚᱪᱚ

5.ᱣᱮᱥᱣᱠ ᱫᱚᱨ ᱛᱷᱟᱨ ᱨᱮ ᱵᱷᱟᱨᱚᱛ ᱨᱮᱭᱟᱜ ᱜᱚᱲᱚ ᱵᱟᱲᱦᱟᱣ ᱦᱚᱪᱚ

6.ᱰᱚᱡᱚᱴᱟᱞ ᱥᱢᱯᱨᱟᱵᱷᱩᱛᱟ ᱱᱤᱥᱴᱟ ᱦᱚᱪᱚ

ᱣᱤᱡᱟᱱ

ᱥᱨᱣᱮᱭᱟᱯᱤ, ᱴᱟᱱᱟᱜᱟᱜ, ᱟᱹᱰ, ᱦᱤᱡᱩᱜᱟᱜ ᱟᱨ  ᱠᱚᱢ ᱞᱟᱜᱚᱛ ᱰᱤᱡᱤᱴᱟᱞ ᱛᱮᱭᱟᱨ ᱥᱟᱸᱪᱟᱨ ᱢᱩᱞᱥᱩᱣᱤᱫᱟ  ᱟᱨ ᱥᱮᱣᱟ ᱠᱚ ᱨᱮᱭᱟᱜ ᱛᱷᱟᱯᱚᱱ ᱠᱟᱛᱮ  ᱱᱟᱜᱚᱨᱤᱠ ᱟᱨ ᱠᱟᱹᱢᱤᱭᱟ ᱠᱚᱣᱟᱫ ᱥᱩᱪᱱᱟ ᱟᱨ ᱥᱟᱸᱪᱟᱨ ᱥᱚᱢᱵᱚᱸᱫᱷᱤ ᱞᱟᱹᱠᱛᱤ ᱨᱮᱭᱟᱜ ᱯᱩᱨᱩᱱ ᱦᱚᱪᱚ ᱟᱨ ᱱᱚᱣᱟ ᱯᱨᱚᱠᱨᱤᱭᱟ ᱨᱮ ᱵᱷᱟᱨᱚᱛ ᱠᱚ ᱰᱤᱡᱤᱴᱟᱞ ᱞᱮᱠᱟ ᱛᱮᱠᱮᱴᱮᱡ ᱛᱮᱭᱟᱨ ᱚᱨᱛᱷ ᱵᱮᱵᱚᱥᱛᱟ ᱟᱨ ᱥᱟᱢᱟᱡ ᱞᱮᱠᱟ ᱛᱮ ᱵᱚᱫᱚᱞ ᱦᱚᱪᱚ ᱨᱮ ᱜᱚᱲᱚ ᱮᱢ ।

ᱢᱤᱥᱚᱱ

ᱥᱮᱨᱢᱟ 2022  ᱦᱟᱵᱤᱡ ᱱᱚᱣᱟ ᱯᱨᱤᱭᱚᱡᱟᱱᱟ ᱠᱚ  ᱛᱟᱢᱤᱞ ᱦᱚᱪᱚ ᱞᱟᱹᱜᱤᱫ  ᱨᱟᱥᱴᱨᱤᱭᱚ ᱰᱤᱡᱤᱴᱟᱞ ᱥᱟᱸᱪᱟᱨ ᱱᱤᱛᱤ,  2018 ᱨᱮ ᱱᱚᱣᱟ ᱠᱚ  ᱯᱮᱭᱟ  ᱢᱤᱥᱚᱱ ᱠᱚ ᱨᱮᱭᱟᱜ ᱩᱭᱦᱟᱨ ᱦᱚᱪᱚ ᱟᱠᱟᱱᱟ -

1. ᱵᱷᱟᱨ ᱠᱚ ᱡᱚᱲᱟᱣ

ᱠᱮᱴᱮᱡ ᱰᱤᱡᱤᱴᱟᱞ ᱥᱟᱸᱪᱟᱨ ᱢᱩᱞᱥᱩᱣᱤᱫᱟ ᱠᱚ ᱨᱮᱭᱟᱜ ᱛᱮᱭᱟᱨ ᱦᱚᱪᱚ ᱥᱮᱣᱟ ᱜᱩᱱᱛᱮᱫ ᱟᱨ ᱯᱟᱨᱭᱟᱣᱟᱨᱟᱱ ᱥᱚᱵᱚᱸᱫᱷᱤ ᱡᱟᱣ ᱞᱟᱹᱜᱤᱫ ᱱᱤᱥᱴᱟ ᱟᱛᱮ ᱥᱟᱢᱟᱡᱤᱠ - ᱟᱨᱛᱷᱤᱠ ᱵᱤᱠᱟᱥ ᱞᱟᱹᱜᱤᱫ ᱵᱨᱚᱰᱵᱮᱸᱰ ᱠᱚ ᱡᱚᱛᱚ ᱦᱚᱲ ᱞᱟᱹᱜᱤᱫ ᱛᱚᱱᱛᱨᱚ ᱞᱮᱠᱟ ᱛᱮ ᱞᱟᱦᱟ ᱦᱚᱪᱚ।

2. ᱵᱷᱟᱨᱚᱛ ᱢᱟᱲᱟᱝ ᱥᱮᱫ ᱵᱟᱲᱦᱟᱣ

ᱫᱟᱨᱟ ᱠᱟᱱ ᱯᱤᱲᱤ ᱠᱚᱣᱟᱜ ᱯᱨᱚᱫᱚᱭᱚᱜᱤᱠᱤ ᱠᱚ  ᱟᱨ ᱥᱮᱣᱟ ᱠᱮ ᱱᱤᱣᱮᱥ, ᱱᱟᱣᱟ ᱵᱚᱫᱚᱞ ᱠᱚ ᱟᱨ ᱟᱤ.ᱯᱤ.ᱟᱨ. ᱥᱤᱨᱡᱟᱣ ᱨᱮᱭᱟᱜ ᱢᱟᱫᱷᱭᱟᱢ ᱛᱮ ᱥᱟᱪᱷᱟᱢ ᱛᱮᱭᱟᱨ  ।  ᱱᱤᱣᱮᱥ ᱠᱮ, ᱱᱟᱣᱟ ᱵᱚᱫᱚᱞ ᱠᱚ ᱟᱨ ᱟᱤ.ᱯᱤ.ᱟᱨ. ᱠᱚ ᱵᱟᱲᱦᱟᱣ ᱮᱢ ᱟᱛᱮ 5ᱡᱤ, ᱮ.ᱟᱤ, ᱟᱤᱚᱴᱤ, ᱠᱞᱟᱩᱰ  ᱟᱨ ᱵᱤᱜ ᱰᱟᱴᱟ ᱥᱟᱸᱣ ᱨᱟᱠᱟᱵ ᱠᱟᱱ ᱰᱤᱡᱤᱴᱟᱞ ᱯᱨᱚᱫᱚᱜᱤᱠᱤ ᱨᱮᱭᱟᱜ ᱫᱟᱲᱮ ᱨᱮᱭᱟᱜ ᱵᱮᱵᱷᱟᱨ, ᱡᱮᱢᱚᱱ ᱵᱷᱵᱤᱥᱭᱚ ᱨᱮ ᱵᱮᱱᱟᱣ ᱟᱨᱡᱟᱣ ᱚᱰᱚᱜ ᱟᱨ ᱥᱮᱣᱟ ᱠᱚ ᱨᱮᱭᱟᱜ ᱯᱨᱟᱣᱫᱷᱟᱱ ᱦᱩᱭ ᱦᱚᱪᱚ ᱠᱮ ᱟᱨ ᱯᱩᱱᱟᱜ ᱚᱫᱚᱭᱚᱜᱤᱠ ᱠᱨᱟᱱᱛᱤ ᱠᱚ  ᱩᱥᱠᱟᱣ ᱦᱚᱪᱚ ᱫᱟᱲᱮᱭᱟᱜ ।

3. ᱵᱷᱟᱨᱚᱛ ᱟᱹᱰ ᱦᱚᱪᱚ

ᱰᱤᱡᱤᱴᱟᱞ ᱥᱟᱸᱪᱟᱨ ᱨᱮᱭᱟᱜ ᱥᱟᱢᱯᱨᱟᱵᱷᱩᱛᱟ ᱵᱟᱪᱟᱣ, ᱵᱟᱸᱪᱟᱣ ᱟᱨ ᱟᱹᱰ ᱠᱚ ᱱᱤᱥᱴᱟ ᱦᱚᱪᱚ। ᱰᱟᱴᱟ ᱠᱚ ᱢᱚᱦᱚᱛᱟᱱ ᱟᱨᱛᱷᱤᱠ ᱥᱚᱱᱥᱟᱫᱷᱚᱱ ᱞᱮᱠᱟ ᱛᱮ ᱥᱤᱠᱟᱨ ᱮᱢᱟᱛᱮ ᱱᱤᱡᱮᱨᱟᱜ ᱥᱚᱛᱟ ᱟᱨ  ᱮᱯᱮᱴᱟᱜ, ᱰᱟᱴᱟ ᱢᱟᱞᱤᱠᱚᱜ, ᱱᱤᱡᱛᱟ ᱟᱨ ᱟᱹᱰ ᱱᱤᱥᱴᱟ ᱦᱚᱪᱚ ᱨᱮ ᱫᱷᱮᱭᱟᱱ ᱮᱢᱚᱜ ᱥᱟᱸᱣ ᱱᱟᱜᱚᱨᱤᱠ ᱠᱚᱣᱟᱜ ᱦᱤᱛ ᱟᱹᱰ ᱜᱚᱴᱟ ᱦᱚᱪᱚ ᱨᱮ ᱫᱷᱮᱭᱟᱱ ᱮᱢ ᱥᱟᱸᱣ ᱱᱟᱜᱚᱨᱤᱠ ᱠᱚᱣᱟᱜ ᱦᱤᱛ ᱨᱮᱭᱟᱜ ᱟᱹᱰ ᱦᱚᱪᱚ ᱟᱨ ᱵᱟᱝ ᱵᱷᱟᱨᱚᱛ ᱨᱮᱭᱟᱜ ᱰᱤᱡᱤᱴᱟᱞ ᱥᱟᱢᱯᱨᱵᱷᱩᱛᱟ ᱠᱚ ᱟᱹᱰ ।

ᱵᱷᱟᱨᱚᱛ ᱠᱚ ᱡᱚᱲᱟᱣ

ᱠᱮᱴᱮᱡ ᱰᱤᱡᱤᱴᱟᱞ ᱥᱟᱸᱪᱟᱨ ᱢᱩᱞ ᱥᱩᱵᱤᱫᱟ ᱨᱮᱭᱟᱜ ᱛᱮᱭᱟᱨ ᱦᱚᱪᱚ

ᱥᱮᱨᱢᱟ 2022 ᱨᱮᱭᱟᱜ ᱡᱚᱥ ᱛᱮᱫ

  • ᱡᱚᱛᱚ ᱱᱟᱜᱤᱠ ᱠᱚ 50 ᱮᱢᱵᱤᱯᱤᱮᱥ ᱨᱮ ᱥᱟᱱᱟᱢ ᱦᱚᱲᱟᱜ ᱵᱨᱚᱰᱵᱮᱸᱰ ᱠᱟᱵᱨᱮᱡ ᱧᱟᱢ ᱦᱚᱪᱚ।
  • ᱵᱷᱟᱨᱚᱛ ᱨᱮᱭᱟᱜ ᱡᱚᱛᱚ ᱜᱨᱟᱢ ᱯᱚᱸᱪᱟᱭᱚᱛ ᱠᱚ ᱨᱮᱭᱟᱜ ᱥᱮᱨᱢᱟ 2020 ᱦᱟᱵᱤᱡ 1 ᱡᱤᱵᱤᱯᱤᱮᱥ ᱟᱨ 2022 ᱦᱟᱵᱤᱡ 10 ᱡᱤᱵᱤᱯᱤᱮᱥ ᱠᱟᱱᱮᱠᱴᱤᱵᱤᱴᱤ ᱮᱢ ᱦᱚᱪᱚ।
  • ᱢᱟᱸᱜ ᱨᱮ ᱡᱚᱛᱚ ᱥᱮᱪᱷᱱᱤᱠ ᱥᱟᱸᱥᱛᱷᱟᱱ ᱠᱚ ᱥᱟᱸᱣ ᱡᱚᱛᱚ ᱢᱩᱞ ᱞᱟᱦᱟ ᱥᱟᱸᱥᱛᱷᱟᱱ ᱠᱚ 100 ᱮᱢᱵᱤᱯᱤᱮᱥ ᱵᱨᱚᱰᱵᱮᱸᱰ ᱜᱚᱲᱚ ᱮᱢ ᱛᱮᱭᱟᱨ ᱦᱚᱪᱚ।
  • 50 ᱯᱚᱨᱛᱤᱥᱚᱛ ᱚᱲᱟᱜ ᱠᱚ ᱞᱟᱹᱜᱤᱫ ᱛᱷᱤᱨᱞᱟᱤᱱ ᱵᱨᱚᱰᱵᱮᱸᱰ ᱨᱮᱭᱟᱜ ᱥᱮᱴᱮᱨ ᱞᱮᱠ ᱛᱮᱭᱟᱨ ᱦᱚᱪᱚ।
  • ᱥᱮᱨᱢᱟ 2020 ᱦᱟᱵᱤᱡ 55 ᱟᱨ ᱥᱮᱨᱢᱟ 2022 ᱦᱟᱵᱤᱡ 65 ᱵᱤᱥᱤᱥᱴ ᱢᱚᱵᱟᱤᱞ ᱵᱮᱵᱷᱟᱨ ᱠᱚᱣᱟᱜ ᱜᱷᱚᱛᱟ  ᱨᱮᱭᱟᱜ ᱡᱚᱥ ᱛᱮᱫ ᱧᱟᱢ ᱦᱚᱪᱚ।
  • ᱥᱮᱨᱢᱟ 2020 ᱦᱟᱵᱤᱡ 5 ᱢᱤᱞᱤᱭᱟᱱ ᱟᱨ ᱥᱮᱨᱢᱟ 2022 ᱦᱟᱵᱤᱡ 10 ᱢᱤᱞᱤᱭᱟᱱ ᱦᱟᱵᱤᱡ ᱥᱚᱨᱵᱟᱡᱟᱱᱤᱠ ᱣᱟᱤ -ᱯᱷᱟᱤ ᱦᱟᱴᱮᱥᱯᱚᱴ ᱨᱮᱭᱟᱜ ᱯᱨᱚᱵᱤᱥᱛᱟᱨᱱ ᱦᱚᱪᱚ।
  • ᱵᱟᱝ ᱠᱚᱣᱟᱨ ᱟᱠᱟᱱ ᱡᱚᱛᱚ ᱡᱟᱭᱜᱟ ᱠᱚ ᱞᱟᱹᱜᱤᱫ ᱠᱟᱱᱮᱠᱴᱤᱵᱤᱴᱤ ᱱᱤᱥᱴᱟ ᱦᱚᱪᱚ।

 

ᱱᱚᱣᱟᱵᱤᱥᱚᱭ ᱨᱮ ᱡᱤᱞᱤᱧ ᱛᱮ ᱵᱟᱰᱟᱭ ᱞᱟᱹᱜᱤᱫ ᱞᱟᱛᱟᱨ ᱮᱢ ᱟᱠᱟᱱ ᱞᱤᱸᱠ ᱨᱮ ᱧᱮᱞ ᱢᱮ -

ᱥᱚᱛ- ᱫᱩᱨᱥᱟᱸᱪᱟᱨ, ᱵᱷᱟᱨᱚᱛ ᱥᱚᱨᱠᱟᱨ



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate