ᱫᱤᱥᱚᱢ ᱜᱚᱢᱠᱮ ᱚᱲᱟᱜ, ᱡᱮᱜᱮᱛ ᱨᱮᱭᱟᱜ ᱥᱟᱱᱟᱢ ᱠᱷᱚᱱ ᱢᱟᱨᱟᱝ ᱫᱤᱥᱚᱢ ᱥᱤᱧᱚᱛ ᱨᱮᱱᱤᱡ ᱫᱤᱥᱚᱢ ᱜᱚᱢᱠᱮ ᱟᱜ ᱚᱲᱟᱜ ᱠᱟᱱᱟ᱾ ᱱᱚᱣᱟ ᱫᱚ ᱤᱱᱰᱤᱭ ᱥᱤᱧᱚᱛ ᱨᱮᱭᱟᱜ ᱫᱟᱲᱮ, ᱱᱚᱣᱟ ᱨᱮᱭᱟᱜ ᱫᱤᱥᱟᱹ ᱫᱚᱦᱚ ᱟᱱᱟᱜ ᱟᱹᱨᱤᱪᱟᱹᱞᱤ ᱟᱨ ᱫᱷᱚᱨᱚᱢ ᱵᱟᱪᱷᱟᱣ ᱟᱱᱟᱜ ᱪᱩᱨᱤᱛ ᱨᱮᱭᱟᱜ ᱩᱫᱩᱜ ᱠᱟᱱᱟ᱾ ᱨᱟᱥᱴᱨᱚᱯᱚᱛᱤ ᱦᱟᱜ ᱨᱤᱴᱨᱤᱴ ᱨᱟᱥᱴᱨᱚᱯᱚᱛᱤ ᱱᱤᱣᱟᱥ, ᱢᱟᱥᱳᱵᱽᱨᱟ: ᱨᱟᱥᱴᱨᱚᱯᱚᱛᱤ ᱱᱤᱣᱟᱥ, ᱢᱟᱥᱳᱵᱽᱨᱟ ᱫᱚ ᱢᱤᱫ ᱑᱗᱓ ᱥᱮᱨᱢᱟ ᱢᱟᱨᱮ ᱦᱮᱨᱤᱴᱮᱡᱽ ᱵᱤᱞᱰᱤᱝ ᱠᱟᱱᱟ, ᱡᱟᱦᱟᱸ ᱫᱚ ᱦᱤᱢᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱢᱚᱱᱮ ᱢᱩᱦᱱᱤ ᱡᱟᱭᱜᱟ ᱨᱮ ᱢᱮᱱᱟᱜᱼᱟ᱾ ᱨᱟᱥᱴᱨᱚᱯᱚᱛᱤ ᱱᱤᱞᱟᱭᱚᱢ, ᱦᱟᱭᱫᱨᱟᱵᱟᱫᱽ: ᱨᱟᱥᱴᱨᱚᱯᱚᱛᱤ ᱱᱤᱞᱟᱭᱚᱢ ᱫᱚ ᱤᱱᱰᱤᱭᱟ ᱨᱮ ᱢᱮᱱᱟᱜ ᱓ ᱜᱚᱴᱟᱝ ᱨᱟᱥᱴᱨᱚᱯᱚᱛᱤ ᱦᱟᱜ ᱵᱤᱨ ᱵᱟᱹᱠᱷᱨᱟᱣ ᱴᱷᱟᱶ ᱠᱷᱚᱱ ᱢᱤᱫᱴᱟᱹᱝ ᱠᱟᱱᱟ ᱟᱨ ᱮᱠᱞᱟ ᱫᱚᱠᱷᱤᱱ ᱤᱱᱰᱤᱭᱟ ᱨᱮ ᱢᱮᱱᱟᱜᱼᱟ᱾ ᱱᱚᱣᱟ ᱫᱚ ᱑᱘᱖᱐ ᱥᱟᱞᱮ ᱨᱮ ᱵᱮᱱᱟᱣ ᱞᱮᱱᱟ᱾ ᱨᱟᱥᱴᱨᱚᱯᱚᱛᱤ ᱵᱷᱚᱵᱚᱱ, ᱫᱤᱞᱞᱤ: ᱨᱟᱥᱴᱨᱚᱯᱚᱛᱤ ᱵᱷᱚᱵᱚᱱ ᱫᱚ ᱯᱩᱱᱭᱟ ᱛᱟᱞᱟ ᱟᱱᱟᱜ ᱚᱲᱟᱜ ᱠᱟᱱᱟ ᱟᱨ ᱱᱚᱸᱰᱮ ᱓᱔᱐ ᱜᱚᱴᱟᱝ ᱠᱷᱚᱱ ᱦᱚᱸ ᱵᱟᱹᱲᱛᱤ ᱜᱟᱱ ᱠᱚᱴᱷᱟ ᱢᱮᱱᱟᱜᱼᱟ, ᱡᱟᱦᱟᱸ ᱨᱮᱭᱟᱜ ᱥᱟᱭᱤᱡᱽ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱜᱮᱭᱟ᱾ ᱛᱤᱥ ᱵᱚ ᱥᱮᱱ ᱫᱟᱲᱮᱭᱟᱜᱼᱟ ᱨᱟᱥᱴᱨᱚᱯᱚᱛᱤ ᱱᱤᱣᱟᱥ, ᱢᱟᱥᱳᱵᱽᱨᱟ ᱦᱚᱲ ᱫᱚ ᱚᱱᱞᱟᱭᱤᱱ ᱟᱨ ᱚᱯᱷᱞᱟᱭᱤᱱ ᱛᱮ ᱴᱩᱨ ᱵᱩᱠ ᱫᱟᱲᱮᱭᱟᱜᱼᱟ, ᱡᱟᱦᱟᱸ ᱨᱮᱭᱟᱜ ᱥᱞᱚᱴ ᱫᱚ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱑᱐:᱐᱐ ᱮ. ᱮᱢ. ᱠᱷᱚᱱ ᱐᱕:᱐᱐ ᱯᱤ. ᱮᱢ. ᱫᱷᱟᱹᱵᱤᱡ ᱧᱟᱢᱚᱜᱼᱟ, ᱢᱩᱪᱟᱹᱫ ᱮᱱᱴᱨᱤ ᱫᱚ ᱦᱟᱯᱛᱟ ᱨᱮᱭᱟᱜ ᱡᱚᱛᱚ ᱢᱟᱦᱟᱸ ᱨᱮ ᱐᱓:᱐᱐ ᱯᱤ. ᱮᱢ. ᱨᱮ ᱦᱩᱭᱩᱜᱼᱟ, ᱮᱠᱞᱟ ᱥᱚᱢᱵᱟᱨ ᱟᱨ ᱥᱚᱨᱠᱟᱨᱤ ᱪᱷᱩᱴᱤ ᱢᱟᱦᱟᱸ ᱵᱟᱹᱜᱤ ᱠᱟᱛᱮ᱾ ᱟᱨᱦᱚᱸ ᱵᱟᱹᱲᱛᱤ ᱵᱩᱡᱷᱟᱹᱣ ᱞᱟᱹᱜᱤᱫ ᱐᱑᱗᱗-᱒᱗᱔᱐᱐᱔᱐ (ᱨᱤᱥᱮᱯᱥᱚᱱ ᱚᱯᱷᱤᱥ) / ᱐᱑᱗᱗-᱒᱗᱔᱐᱑᱔᱐ (ᱢᱮᱱᱮᱡᱚᱨ ᱚᱯᱷᱤᱥ) ᱨᱮ ᱡᱚᱜᱟᱡᱚᱜ ᱢᱮ᱾ ᱧᱮᱞᱧᱟᱢᱤᱭᱟᱹ ᱠᱚᱫᱚ https://visit.rashtrapatibhavan.gov.in/ ᱦᱚᱛᱮᱛᱮ ᱟᱠᱚᱣᱟᱜ ᱥᱞᱚᱴ ᱚᱱᱞᱟᱭᱤᱱ ᱛᱮ ᱵᱩᱠ ᱫᱟᱲᱮᱭᱟᱜᱼᱟ᱾ ᱨᱟᱥᱴᱨᱚᱯᱚᱛᱤ ᱱᱤᱞᱟᱭᱚᱢ, ᱦᱟᱭᱫᱨᱟᱵᱟᱫᱽ ᱨᱟᱥᱴᱨᱚᱯᱚᱛᱤ ᱱᱤᱞᱟᱭᱚᱢ ᱫᱚ ᱥᱟᱫᱷᱟᱨᱚᱱ ᱦᱚᱲ ᱞᱟᱹᱜᱤᱫ ᱥᱮᱨᱢᱟ ᱯᱩᱨᱟᱹ ᱠᱷᱩᱞᱟᱹ ᱜᱮ ᱛᱟᱦᱮᱸᱱᱟ, ᱮᱠᱞᱟ ᱯᱨᱮᱥᱤᱰᱮᱱᱴ ᱟᱜ ᱫᱚᱠᱷᱤᱱ ᱥᱚᱡᱚᱨᱱ ᱚᱠᱛᱮ ᱵᱟᱹᱜᱤ ᱠᱟᱛᱮ᱾ ᱧᱮᱞᱧᱟᱢᱤᱭᱟᱹ ᱠᱚᱫᱚ https://visit.rashtrapatibhavan.gov.in/ ᱦᱚᱛᱮᱛᱮ ᱟᱠᱚᱣᱟᱜ ᱥᱞᱚᱴ ᱚᱱᱞᱟᱭᱤᱱ ᱛᱮ ᱵᱩᱠ ᱫᱟᱲᱮᱭᱟᱜᱼᱟ᱾ ᱦᱚᱲ ᱠᱚ ᱱᱤᱞᱟᱭᱚᱢ ᱫᱚ ᱢᱤᱫ ᱦᱟᱯᱛᱟ ᱨᱮ ᱛᱩᱨᱩᱭ ᱢᱟᱦᱟᱸ ᱠᱚ ᱥᱮᱱ ᱫᱟᱲᱮᱭᱟᱜᱼᱟ (ᱮᱠᱞᱟ ᱥᱚᱢᱵᱟᱨ ᱟᱨ ᱥᱚᱨᱠᱟᱨᱤ ᱪᱷᱩᱴᱤ ᱢᱟᱦᱟᱸ ᱵᱟᱹᱜᱤ ᱠᱟᱛᱮ) ᱑᱐:᱐᱐ ᱮ. ᱮᱢ. ᱠᱷᱚᱱ ᱐᱕:᱐᱐ ᱯᱤ. ᱮᱢ. ᱫᱷᱟᱹᱵᱤᱡ, ᱢᱩᱪᱟᱹᱫ ᱮᱱᱴᱨᱤ ᱫᱚ ᱐᱔:᱐᱐ ᱯᱤ. ᱮᱢ. ᱨᱮ ᱦᱩᱭᱩᱜᱼᱟ᱾ ᱣᱟᱠ-ᱤᱱ ᱵᱩᱠᱤᱝ ᱨᱮᱭᱟᱜ ᱥᱩᱵᱤᱫᱷᱟ ᱦᱚᱸ ᱨᱤᱥᱮᱯᱥᱚᱱ ᱚᱯᱷᱤᱥ, ᱨᱟᱥᱴᱨᱚᱯᱚᱛᱤ ᱱᱤᱞᱟᱭᱚᱢ ᱨᱮ ᱧᱟᱢᱚᱜᱼᱟ᱾ ᱨᱟᱥᱴᱨᱚᱯᱚᱛᱤ ᱵᱷᱚᱵᱚᱱ, ᱫᱤᱞᱞᱤ ᱨᱟᱥᱴᱨᱚᱯᱚᱛᱤ ᱵᱷᱚᱵᱚᱱ ᱫᱚ ᱧᱮᱞᱧᱟᱢᱤᱭᱟᱹ ᱠᱚ ᱞᱟᱹᱜᱤᱫ ᱛᱮ ᱥᱚᱢᱵᱟᱨ ᱠᱷᱚᱱ ᱥᱟᱱᱤᱪᱟᱨ ᱫᱷᱟᱹᱵᱤᱡ ᱠᱷᱩᱞᱟᱹ ᱜᱮ ᱛᱟᱦᱮᱸᱱᱟ (ᱮᱠᱞᱟ ᱜᱮᱡᱮᱴᱮᱰ ᱪᱷᱩᱴᱤ ᱨᱮ ᱵᱟᱹᱜᱤ ᱠᱟᱛᱮ)᱾ ᱢᱚᱬᱮ ᱜᱚᱴᱟᱝ ᱯᱨᱤ ᱵᱩᱠ ᱟᱠᱟᱱ ᱚᱠᱛᱚ ᱨᱮᱭᱟᱜ ᱥᱞᱚᱴ ᱠᱚ ᱙:᱓᱐ ᱮ. ᱮᱢ., ᱑᱑:᱐᱐ ᱮ. ᱮᱢ., ᱑᱒:᱓᱐ ᱯᱤ. ᱮᱢ., ᱒:᱐᱐ ᱯᱤ. ᱮᱢ. ᱟᱨ ᱓:᱓᱐ ᱯᱤ. ᱮᱢ. ᱛᱟᱞᱟ ᱨᱮ ᱮᱢ ᱦᱩᱭᱩᱜᱼᱟ᱾ ᱮᱱᱴᱨᱤ ᱫᱚ ᱐᱔:᱐᱐ ᱯᱤ. ᱮᱢ. ᱛᱟᱭᱚᱢ ᱵᱟᱝ ᱠᱚ ᱮᱢᱟ᱾ ᱨᱮᱡᱤᱥᱴᱨᱮᱥᱚᱱ ᱨᱮᱭᱟᱜ ᱫᱟᱢ ᱫᱚ ᱕᱐ ᱴᱟᱠᱟ ᱯᱟᱨ ᱧᱮᱞᱧᱟᱢᱤᱭᱟᱹ ᱠᱟᱱᱟ᱾ ᱧᱮᱞᱧᱟᱢᱤᱭᱟᱹ ᱠᱚᱫᱚ https://visit.rashtrapatibhavan.gov.in/ ᱦᱚᱛᱮᱛᱮ ᱟᱠᱚᱣᱟᱜ ᱥᱞᱚᱴ ᱚᱱᱞᱟᱭᱤᱱ ᱛᱮ ᱵᱩᱠ ᱫᱟᱲᱮᱭᱟᱜᱼᱟ᱾ ᱥᱟᱹᱠᱷᱟᱭᱹᱛ: https://visit.rashtrapatibhavan.gov.in/